ഉണ്ണിമുകുന്ദനെ നായകനാക്കി രഞ്ജിത്ത് ശങ്കർ തിരക്കഥയെഴുതി സംവിധാനം ചെയ്യുന്ന ചിത്രമാണ് ജയ് ഗണേഷ്. ചിത്രത്തിന്റെ ടീസർ പുറത്തിറങ്ങി. ബൈക്കറാകാൻ ആഗ്രഹമുള്ള യുവാവിന് വാഹനാപകടത്തിൽ കാലിന്റെ സ്വാധീനം നഷ്ടപ്പെടുന്നതുമായി ബന്ധപ്പെട്ടുള്ള സംഭവ വികാസങ്ങളാണ് സിനിമയെന്നാണ് ടീസറിൽ നിന്നുള്ള സൂചന. സൂപ്പർ ഹീറോ ജോണറിലാണ് സിനിമയെത്തുന്നതെന്ന സൂചനയും ട്രെയിലർ നൽകുന്നുണ്ട്.
മാളികപ്പുറത്തിന് ശേഷം മലയാളത്തിൽ തിയേറ്ററിലെത്തുന്ന ഉണ്ണി മുകുന്ദൻ ചിത്രമാണ് ജയ് ഗണേഷ്. ടീസറിൽ ബിജിഎമ്മിനും വളരെ പ്രാധാന്യം നൽകിയിട്ടുണ്ട്. താരത്തിന്റെ കരിയറിലെ മറ്റൊരു സൂപ്പർ ഹിറ്റ് ചിത്രമാകും ജയ് ഗണേഷെന്നും ടീസറിൽ നിന്നും മനസിലാക്കാൻ കഴിയുന്നു. സംവിധായകൻ രഞ്ജിത്തിന്റെ ജന്മദിനത്തിലാണ് ടീസർ പുറത്ത് വിട്ടിരിക്കുന്നതെന്ന പ്രത്യേകതയും ഉണ്ട്.
ഏപ്രിൽ പതിനൊന്നിനാണ് ജയ് ഗണേഷ് തിയേറ്ററിലെത്തുന്നത്. മഹിമ നമ്പ്യാർ നായികയാവുന്ന ചിത്രത്തിൽ ഒരിടവേളയ്ക്ക് ശേഷം ജോമോളും അഭിനയിക്കുന്നുണ്ട്. ഉണ്ണി മുകുന്ദൻ ഫിലിംസും രഞ്ജിത്ത് ശങ്കറിന്റെ ഡ്രീംസ് എൻ ബിയോണ്ടും ചേർന്നാണ് ചിത്രം നിർമ്മിക്കുന്നത്. ഹരീഷ് പേരടി, അശോകൻ, രവീന്ദ്ര വിജയ്, നന്ദു തുടങ്ങിയവരും ചിത്രത്തിൽ പ്രധാന വേഷങ്ങളിലെത്തുന്നു.
ചിത്രത്തിന്റെ ഛായാഗ്രഹണം ചന്ദ്രു ശെൽവരാജ് നിർവ്വഹിക്കുന്നു. എഡിറ്റിംഗ് ഹരീഷ് പ്രതാപ്, സംഗീതം ശങ്കർ ശർമ്മ, സൗണ്ട് ഡിസൈൻ തപസ് നായ്ക്, പ്രൊഡക്ഷൻ കൺട്രോളർ സജീവ് ചന്തിരൂർ, പ്രൊഡക്ഷൻ ഡിസൈനർ സൂരജ് കുറവിലങ്ങാട്, മേക്കപ്പ് റോണക്സ് സേവ്യർ, കോസ്റ്റ്യൂംസ് വിപിൻ ദാസ്, സ്റ്റിൽസ് നവീൻ മുരളി, ഡിസൈൻസ് ആന്റണി സ്റ്റീഫൻ, അസോസിയേറ്റ് ഡയറക്ടർ അനൂപ് മോഹൻ എസ്, ഡിഐ ലിജു പ്രഭാകർ, വിഎഫ്എക്സ് ഡിടിഎം, പ്രൊമോഷൻ കൺസൽട്ടന്റ് വിപിൻ കുമാർ, ടെൻ ജി മീഡിയ.
