അബുദാബി: അറബ് ലോകത്തെ വിശ്വാസികളുടെ കാത്തിരിപ്പിന് വിരാമമിടാൻ പ്രധാനമന്ത്രി നരേന്ദ്രേമാദി ബോച്ചസൻവാസി അക്ഷര പുരുഷോത്തം സ്വാമിനാരായൺ സൻസ്ത മന്ദിറിലെത്തി. മോദി കീ ജയ് എന്ന ആരവത്തോടെ ജനങ്ങൾ പ്രധാനമന്ത്രിയെ വരവേറ്റു. സ്വാമിനാരായൺ മന്ദിറിന്റെ സന്ന്യാസി ബ്രഹ്മവിഹാരിദാസ് സ്വാമിയോടൊപ്പമാണ് പ്രധാനമന്ത്രി ക്ഷേത്രത്തിലെത്തിയത്.
#WATCH | PM Modi welcomed by BAPS’ Ishwarcharandas Swami at BAPS Hindu temple in Abu Dhabi pic.twitter.com/5XxQl4L0bp
— ANI (@ANI) February 14, 2024
ബ്രഹ്മവിഹാരിദാസ് ഉൾപ്പെടെ നിരവധി സന്ന്യാസിമാർ ചേർന്ന് പ്രധാനമന്ത്രിയെ സ്വാഗതം ചെയ്തത്. ക്ഷേത്രത്തിന്റെ ഉദ്ഘാടനത്തോടനുബന്ധിച്ച് കനത്ത സുരക്ഷയാണ് ക്ഷേത്ര പരിസരത്ത് ഒരുക്കിയിട്ടുള്ളത്. ഉദ്ഘാടനത്തിന് ക്ഷണിക്കപ്പെട്ടവർക്ക് മാത്രമാണ് ക്ഷേത്രത്തിലേക്ക് പ്രവേശനം അനുവദിച്ചിട്ടുള്ളൂവെന്ന് അധികൃതർ അറിയിച്ചിട്ടുണ്ട്.
