തൃശൂർ: ലഹരി ഉപയോഗിച്ച് ബസ് സർവീസ് നടത്തിയ ഡ്രൈവറും കണ്ടക്ടറും പിടിയിൽ. തൃശൂരിൽ രണ്ടിടങ്ങളിലായി ന‌ടന്ന പോലീസ് പരിശോധനയിലാണ് ഇരുവരും അറസ്റ്റിലായത്. മദ്യപിച്ച് വാഹനം ഓടിച്ചതിന് ബസ് ഡ്രൈവറെയും നിരോധിത പുകയില ഉത്പന്നം ഉപയോഗിച്ച കണ്ടക്ടറെയുമാണ് പോലീസ് പിടികൂടിയത്. കുന്നംകുളത്ത് സർവീസ് നടത്തുന്ന എംകെകെ ബസിലെ ഡ്രൈവർ കൃഷ്ണൻ, ഫീസുമോൻ ബസിലെ കണ്ടക്ടർ അജിത്ത് എന്നിവരാണ് പിടിയിലായത്.
ഫീസുമോൻ ബസിലെ കണ്ടക്ടറെ ഹാൻസ് ഉപയോഗിച്ചതിനാണ് പോലീസ് അറസ്റ്റ് ചെയ്തത്. കഴിഞ്ഞ ദിവസം ചൂണ്ടലിൽ നിയന്ത്രണം വിട്ട ബസ് പാലത്തിന്റെ കൈവരിയിൽ ഇടിച്ച് അപകടമുണ്ടായിരുന്നു. തുടർച്ചയായി സ്വകാര്യ ബസുകൾ അപകടത്തിലാകുന്ന സാഹചര്യത്തിലാണ് പോലീസ് പരിശോധന നടത്തിയത്.
