ജമ്മു കശ്മീർ സന്ദർശനത്തിനിടെ ഗുൽമർഗിൽ പ്രദേശവാസികൾക്കൊപ്പം ക്രിക്കറ്റ് കളിച്ച് സച്ചിൻ ടെൻഡുൽക്കർ. ‘ക്രിക്കറ്റും കശ്മീരും: സ്വർ?ഗത്തിലൊരു മത്സരം’ എന്ന അടിക്കുറിപ്പോടെ സച്ചിൻ തന്നെയാണ് സമൂഹമാദ്ധ്യമങ്ങളിൽ ക്രിക്കറ്റ് കളിക്കുന്നതിന്റെ വീഡിയോ പങ്കുവച്ചത്.
Cricket & Kashmir: A MATCH in HEAVEN! pic.twitter.com/rAG9z5tkJV
— Sachin Tendulkar (@sachin_rt) February 22, 2024
“>
കാറിൽ നിന്നിറങ്ങിയ സച്ചിൻ, ക്രിക്കറ്റ് കളിക്കാൻ തന്നെയും കൂട്ടുമോയെന്ന് ചോദിക്കുന്നുണ്ട്. പിന്നീട് ബാറ്റ് കയ്യിലെടുക്കുന്നതും ബോളുകളെ അനായാസം നേരിടുന്നതും വീഡിയോയിൽ കാണാം. സ്ട്രൈറ്റ് ഡ്രൈവ് കൊണ്ടും ബാറ്റ് തലകുത്തനെ പിടിച്ച് (ഹാൻഡിൽ) പന്തുകളെ നേരിട്ടും സച്ചിൻ ആരാധകരെ ത്രസിപ്പിക്കുന്നുണ്ട്. ഭാര്യ അഞ്ജലിയെയും വീഡിയോയിൽ കാണാം.
യുവാക്കൾക്കൊപ്പം ബാറ്റ് ചെയ്ത താരം അവരുമായി സംഭാഷണത്തിൽ ഏർപ്പെടുകയും സെൽഫി എടുക്കുകയും ചെയ്തു. കശ്മീർ ഡയറീസ്, കശ്മീർ, ക്രിക്കറ്റ് എന്നീ ഹാഷ്ടാഗിനൊപ്പമാണ് വീഡിയോ പങ്കുവച്ചിരിക്കുന്നത്.
