എറണാകുളം: മുതിർന്ന ആർഎസ്എസ് പ്രചാരകനും ജന്മഭൂമി പത്രത്തിന്റെ മുൻ മാനേജിംഗ് ഡയറക്ടറുമായ കെ പുരുഷോത്തമൻ അന്തരിച്ചു. 78 വയസായിരുന്നു. എറണാകുളത്തെ സ്വകാര്യ ആശുപത്രിയിൽ ചികിത്സയിലിരിക്കെ പുലർച്ചെയായിരുന്നു അന്ത്യം.
എറണാകുളം എളമക്കരയിലെ ആർഎസ്എസ് പ്രാന്ത കാര്യാലയത്തിൽ രാവിലെ ഒമ്പത് മണി മുതൽ ഭൗതിക ശരീരം പൊതുദർശനത്തിന് വയ്‌ക്കും. വൈകിട്ട് അഞ്ച് മണിക്ക് പച്ചാളം പൊതു ശ്മശാനത്തിലാണ് സംസ്കാര ചടങ്ങുകൾ നടക്കുന്നത്.
ആർഎസ്എസ് പ്രവർത്തകനായ പുരുഷോത്തമൻ 1967-ലാണ് പ്രചാരകനായത്. 55 വർഷത്തോളം ആര്‍എസ്എസ് പ്രചാരകനായി പ്രവർത്തിച്ചു. കൊടുങ്ങല്ലൂർ, തലശേരി, പരവൂർ, ഇരിങ്ങാലക്കുട എന്നിവിടങ്ങിൽ
കണ്ണൂര്‍ വിഭാഗ് പ്രചാരകനയി. പാലക്കാട്, എറണാകുളം, ശബരിഗിരി, കോഴിക്കോട് വിഭാഗുകളിലും പ്രചാരകനായിരുന്നു.1887-ൽ ആർഎസ്എസ് സംസ്ഥാന കാര്യാലയ പ്രമുഖായി.
2003-ലാണ് ജന്മഭൂമി മാനേജിംഗ് ഡയറക്ടറായി ചുമതലയേറ്റത്. 2007-ൽ മത്സ്യപ്രവര്‍ത്തക സംഘം സംസ്ഥാന സംഘടന സെക്രട്ടറിയായും അദ്ദേഹം സേവനമനുഷ്ഠിച്ചു.
