ആഗസ്റ്റ് 1 ന് ജിമെയിൽ സേവനം അവസാനിപ്പിക്കുമെന്ന പ്രചാരണം സോഷ്യൽ മീഡിയയിൽ വ്യാപകമാണ്. പ്രചാരണം രൂക്ഷമായതൊടെ വിശദീകരണവുമായി എത്തിയിരിക്കുകയാണ് സാക്ഷാൽ ഗൂഗിൾ.
ഗൂഗിളിൽ നിന്നും ഉപയോക്താക്കൾക്ക് അയച്ച ഒരു ഇമെയിലിന്റെ സ്ക്രീൻഷോട്ട് സൃഷ്ടിച്ചാണ് തെറ്റായ പ്രചാരണം നടക്കുന്നത്. ജിമെയിലിൽ ആഗസ്റ്റിനുശേഷം ഇമെയിലുകൾ അയയ്ക്കാനും സ്വീകരിക്കാനും സംഭരിക്കാനും സാധിക്കില്ലെന്നതായിരുന്നു മേസേജിന്റെ ഉള്ളടക്കം.
ജനപ്രിയ ഇമെയിൽ സേവനമായ ജിമെയിൽ അടച്ചുപൂട്ടില്ലെന്ന് ഗൂഗിൾ കഴിഞ്ഞ ദിവസം വ്യക്തമാക്കി. ‘google is here to stay’ എന്ന അടിക്കുറിപ്പോടെയാണ് സത്യാവസ്ഥ ഗൂഗിൾ പങ്കുവെച്ചത്. ജിമെയിലിന്റെ HTML പതിപ്പ് മാത്രമാണ് നിർത്തലാക്കിയതെന്നും, ഇമെയിൽ സേവനമല്ലെന്നും ഗൂഗിൾ വ്യക്തമാക്കി. കുറഞ്ഞ നെറ്റ് വർക്ക് കവറേജുള്ള ഏരിയകളിൽ ഇമെയിലുകൾ ആക്സസ് ചെയ്യാൻ ഉപയോക്താക്കളെ സഹായിക്കുന്നതായണ് ജിമെയിന്റെ HTML പതിപ്പ്.