ഭോപ്പാൽ: പ്രശസ്തമായ മഹാകാലേശ്വര ക്ഷേത്രത്തിൽ ദർശനം നടൻ ആയുഷ്മാൻ ഖുറാനാ. ഇന്നലെ വൈകിട്ടോടെയായിരുന്നു അദ്ദേഹം ക്ഷേത്രത്തിൽ ദർശനത്തിനെത്തിയത്. ക്ഷേത്രത്തിൽ മറ്റ് ഭക്തർക്കൊപ്പം അദ്ദേഹം പ്രാർത്ഥനാ ചടങ്ങുകൾ പങ്കെടുത്തു. ക്ഷേത്രത്തിൽ പ്രത്യേക പൂജകളും നടത്തി.
ക്ഷേത്ര ദർശനത്തിന്റെ ചിത്രങ്ങൾ താരം സോഷ്യൽ മീഡിയയിൽ പങ്കുവച്ചു. ക്ഷേത്രത്തിനകത്ത് പ്രതിഷ്ഠിച്ചിരിക്കുന്ന നന്ദികേശന്റെ കാതിൽ ആഗ്രഹം പറയുന്ന ചിത്രവും അദ്ദേഹം പങ്കിട്ടു. ഒപ്പം ക്ഷേത്രത്തിൽ പ്രത്യേക പൂജകളും താരം നടത്തി. ശേഷം അദ്ദേഹം ആരാധകരുമായി സംസാരിക്കുകയും ചിത്രങ്ങൾ പകർത്തുകയും ചെയ്തു.
