‘സിം ബാബർ..സിം ബാബർ’; ​ഗ്യാലറിയിലിരുന്ന ആരാധകർ ഉറക്കെ കളിയാക്കി; കുപ്പി എടുത്തെറിയാൻ തുടങ്ങി ബാബർ അസം, വീഡിയോ

2023 ഏകദിന ലോകകപ്പിൽ പാകിസ്താന്റെ നാണംകെട്ട പരാജയത്തിന് പിന്നാലെ സമ്മർദ്ദം അനുഭവിക്കുകയാണ് ബാബർ അസം. സെമിഫൈനൽ പോലും കാണാതെ പാകിസ്താൻ പുറത്തായതോടെ പാകിസ്താൻ ക്രിക്കറ്റ് ടീമിന്റെ ക്യാപ്റ്റൻ സ്ഥാനവും താരത്തിന് നഷ്ടപ്പെട്ടിരുന്നു. വലിയ വിമർശനങ്ങളാണ് ക്രിക്കറ്റ് ആരാധകർക്കിടയിൽ നിന്ന് ബാബർ അസമിന് നേരിടേണ്ടി വന്നത്. നിലവിൽ പാകിസ്താൻ സൂപ്പർ ലീഗിൽ (പിഎസ്എൽ) പെഷവാർ സാൽമിക്ക് വേണ്ടി കളിക്കുകയാണ് താരം. ഈ മത്സരങ്ങൾക്കിടെ ഉണ്ടായ ഒരു സംഭവമാണ് ഇപ്പോൾ സമൂ​ഹമാദ്ധ്യമങ്ങളിൽ വൈറലാകുന്നത്.

മുൾട്ടാൻ സുൽത്താൻ- പെഷവാർ സാൽമി മത്സരത്തിനിടെ ആരാധകരോട് ദേഷ്യപ്പെടുന്ന ബാബർ അസമിന്റെ വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ പ്രചരിക്കുന്നത്. ​മത്സരം കണ്ടുകൊണ്ടിരുന്ന ബാബർ അസമിനെ ​ഗ്യാലറിയിൽ ഇരുന്ന ഒരു കൂട്ടം ആരാധകർ കളിയാക്കുന്നു. ഇത് കേട്ടതോടെ താരം അസ്വസ്ഥനാകുകയാണ്. കളിയാക്കിയ ആരാധകർക്ക് നേരെ തിരിഞ്ഞിരുന്ന് താരം ദേഷ്യപ്പെടുന്നു. വീണ്ടും പരിഹാസം തുടർന്നപ്പോൾ കയ്യിലിരുന്ന കുപ്പി വച്ച് എറിയാൻ തുടങ്ങുകയാണ് ബാബർ അസം.

This is really unacceptable, Never expected this from Multan fans.. 🤦‍♂️ pic.twitter.com/MgZWQlO8oR

— Nibraz Ramzan (@nibraz88cricket) February 24, 2024

“>

പുറത്തുവന്ന വീഡിയോയിൽ ‘സിംബാബർ’ എന്നാണ് ബാബർ അസമിനെ ആരാധകർ ഉറക്കെ വിളിക്കുന്നത്. സിംബാബ്‌വെ പോലുള്ള ടീമുകൾക്കെതിരെയും മറ്റ് ചെറിയ രാജ്യങ്ങൾക്കെതിരെയും മാത്രമേ ബാബറിന് സ്‌കോർ ചെയ്യാനാകൂ എന്നുള്ള പരിഹാസത്തിന് പിന്നാലെയാണ് പാകിസ്താനിലെ ക്രിക്കറ്റ് പ്രേമികൾ ബാബർ അസമിനെ സിംബാബർ എന്ന് കളിയാക്കി വിളിക്കാൻ ആരംഭിച്ചത്. ​ഗൂ​ഗിളിൽ പോലും താരത്തിന്റെ പേര് സിംബാബർ എന്ന് ചിലർ തിരുത്തിയിരുന്നു.