ആറ്റുകാൽ പൊങ്കാല ഓർമകളാൽ നിറയുമ്പോൾ മനസിലേക്ക് ആദ്യം വരുന്ന നടിമാരിൽ ഒരാളാണ് ആനി. നിരവധി വർഷങ്ങളായി ആറ്റുകാലിൽ പൊങ്കാല ഇടുന്ന താരമാണ് ആനി. എന്നാൽ കഴിഞ്ഞ കുറച്ച് വർഷങ്ങളായി ആനി സ്വന്തം വീട്ടിലാണ് പൊങ്കാല ഇടുന്നത്. അതിനുള്ള കാരണം പറയുകയാണ് നടി ആനി.
‘ഇത്തവണയും എല്ലാ പ്രാവശ്യത്തെയും പോലെ 9 കൂട്ട് കൊണ്ടുള്ള പൊങ്കാലയിട്ടു. ഏട്ടന്റെ അമ്മയാണ് അത് പഠിപ്പിച്ചത്. ഞാൻ ഓരോ കൊല്ലവും ദേവിയുടെ നിശ്ചയം എന്ന രീതിയിലാണ് പൊങ്കാല ഇടുന്നത്. കഴിഞ്ഞ കുറച്ച് വർഷങ്ങളായി വീട്ടിലാണ് പൊങ്കാല ഇടുന്നത്. അടുത്ത കൊല്ലം ദേവിയുടെ നിശ്ചയം ആറ്റുകാൽ നടയിൽ ഇടാനാണെങ്കിൽ ഞാൻ അവിടെയിടും.
കല്യാണം കഴിഞ്ഞ നാൾ മുതൽ ആറ്റുകാലിൽ പോയി പൊങ്കാല ഇടാറുണ്ട്. എന്നാൽ, കൊറോണ വന്നതിന് ശേഷം ആറ്റുകാലിൽ പോകാറില്ല. അമ്മയ്‌ക്ക് പ്രായമായതിനാലാണ്. രണ്ട് വർഷം മുമ്പായിരുന്നു അമ്മ മരിച്ചത്. ഇപ്പോഴും അമ്മ എന്റെ കൂടെയുണ്ടെന്ന ഉറപ്പിലാണ് പൊങ്കാല ഇടുന്നത്.’- ആനി പറഞ്ഞു.
