ഒരു നടക്കുന്ന അപകടത്തിന്റെ വീഡിയോ ആണ് ഇപ്പോൾ സോഷ്യൽ മീഡിയയിൽ വൈറലാവുന്നത്.ഉത്തർ പ്രദേശിലെ പൂർവ്വാഞ്ചൽ എക്സ്പ്രസ് ഹൈവേയിൽ മഹേന്ദ്ര എക്സ് യു.വിയാണ് അപകടത്തിൽപ്പെട്ടത്. ഹൈവേയിലുണ്ടായിരുന്ന സിസിടിവിയുടെ ദൃശ്യങ്ങളാണ് പുറത്തുവന്നത്. പാഞ്ഞെത്തിയ കാർ ട്രക്കിന് പിന്നിലിടിച്ച് മറിയുന്നതാണ് ദൃശ്യങ്ങളിലുള്ളത്. കാർ യാത്രികരായ രണ്ടു യുവതികൾ തത്ക്ഷണം മരിക്കുകയും നാലുപേർക്ക് ഗുരുതരമായി പരിക്കേൽക്കുകയും ചെയ്തിട്ടുണ്ട്. ഒരേ കുടുംബത്തിലുള്ളവരാണ് കാറിലുണ്ടായിരുന്നത്.
ടയറ് പൊട്ടിയതിനെ തുടർന്നാണ് കാറിന്റെ നിയന്ത്രണം നഷ്ടമായതെന്നാണ് വിവരം. ട്രക്കിലിടിച്ച ശേഷം മൂന്ന് തവണ കാർ തലകീഴായി മറിഞ്ഞു. പിന്നാലെ ഡിവൈഡറിൽ ഇടിച്ചുനിൽക്കുകയായിരുന്നു. അമ്മയിയമ്മയും മരുമകളുമാണ് മരിച്ചതെന്ന് തിരിച്ചറിഞ്ഞിട്ടുണ്ട്. ഹൈവേയിലെ മൈൽ സ്റ്റോൺ നമ്പർ 89 ന് മുന്നിലായിരുന്നു അപകടം.
വാരണാസി വഴി കാശി വിശ്വനാഥ ക്ഷേത്രത്തിലെ ഒരു വിവാഹത്തിൽ പങ്കെടുക്കാനാണ് കുടുംബം പോയത്. മുകുൾ അരോറ എന്ന യുവാവാണ് കാർ ഓടിച്ചിരുന്നത്. അതേസമയം കാറിലുണ്ടായിരുന്ന ഒരു കുട്ടി പരിക്കേൽക്കാതെ അത്ഭുതകരമായി രക്ഷപ്പെട്ടു. പരിക്കേറ്റവരെ ദർശൻ നഗർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരിക്കുകയാണ്.
#पूर्वांचल एक्सप्रेस वे भयावह हादसा!
टायर फटने के बाद ट्रक से टकराकर SUV पलटी…दो महिलाओं की गई जान और 4 घायल!!
हादसे का लाइव #VideoViral pic.twitter.com/V85DZjTmCZ
— Himanshu Tripathi (@himansulive) February 25, 2024
“>
