റിലയന്സ് ഇന്ഡസ്ട്രീസ് ചെയര്മാന് മുകേഷ് അംബാനിയുടെ ഇളയമകന് അനന്ത് അംബാനിയുടെയും വ്യവസായി വീരേന് മര്ച്ചന്റിന്റെ മകള് രാധിക മര്ച്ചന്റിന്റെയും വിവാഹത്തിന് മുന്നോടിയായുള്ള ആഘോഷ പരിപാടികൾളുടെ ചിത്രങ്ങൾ പങ്കുവച്ച് അംബാനി കുടുംബം.
വിവാഹത്തിന് മുന്നോടിയായി മൂന്ന് ദിവസം നീളുന്ന ആഘോഷ പരിപാടികളാണ് ഒരുക്കിയിരിക്കുന്നത്. കഴിഞ്ഞ ദിവസമായിരുന്നു ആഘോഷങ്ങൾക്ക് തുടക്കമായത്. ഇതിന്റെ ചിത്രങ്ങളാണ് കുടുംബം പങ്കുവച്ചിരിക്കുന്നത്.
കുടുംബാംഗങ്ങളുടെ ചിത്രങ്ങളാണ് അംബാനി കുടുംബം പങ്കുവക്കുന്നത്. രണ്ടാം ദിവസമായ ഇന്നും വിവാഹാഘോഷങ്ങൾ നടന്നു. ബോളിവുഡ് സിനിമ മേഖലകളിൽ നിന്നും വൻ താരനിരയാണ് കഴിഞ്ഞ ദിവസം ഗുജറാത്തിലെ ജാംനഗറിൽ നടന്ന ആഘോഷ രാവിൽ പങ്കെടുക്കാനെത്തിയത്.
രാജ്യത്തിന്റെ വിവിധ ഭാഗങ്ങളിലുള്ള വ്യവസായ പ്രമുഖരും മൂന്ന് ദിവസത്തെ ആഘോഷത്തിൽ പങ്കെടുക്കാനെത്തിയിട്ടുണ്ട്.
ജൂലൈയിൽ നടക്കുന്ന വിവാഹത്തിനായി വിപുലമായ ഒരുക്കങ്ങളാണ് അംബാനി കുടുംബം തയ്യാറാക്കിയിരിക്കുന്നത്. വ്യത്യസ്ത തരത്തിലുള്ള 2,500 ഭക്ഷണ വിഭവങ്ങളാണ് വിവാഹദിനത്തെ മറ്റൊരു സവിശേഷത.
അത്യാഡംബരത്തോടെ നടക്കുന്ന ആഘോഷങ്ങളിൽ വിവിധ മേഖലകളിൽ നിന്നും നിരവധി പേർ പങ്കെടുക്കും. ചടങ്ങിനെത്തുന്ന അതിഥികളെ മധുരപലഹാരങ്ങൾ നൽകിയാണ് സ്വീകരിക്കുന്നത്. ഭക്ഷണമൊരുക്കാനായി ഇൻഡോറിൽ നിന്ന് 65 പാചക വിദഗ്ധരെയും എത്തിച്ചിട്ടുണ്ട്.
