ജാംനഗറിൽ ആനന്ദ് അംബാനി-രാധിക മെർച്ചന്റ് പ്രീ വെഡ്ഡിംഗിന്റെ അവസാന ദിവസ ആഘോഷങ്ങൾ നടക്കുകയാണ്. കഴിഞ്ഞ ദിവസം കലാപരിപാടികളായിരുന്നു ജാം നഹഗറിൽ നടന്നത്. സിനിമാ മേഖലയിൽ നിന്നും നിരവധി പേരുടെ നൃത്തവും ഗാനവും അരങ്ങേറിയിരുന്നു. എന്നാൽ ഏറ്റവും ശ്രദ്ധിക്കപ്പെട്ടതാകട്ടെ മുകേഷ് അംബാനിയുടെയും ഭാര്യ നിതാ അംബാനിയുടെയും നൃത്തമാണ്.
ബോളിവുഡിലെ ക്ലാസിക് ഗാനങ്ങളിലൊന്നായ “പ്യാർ ഹുവാ ഇകാർ ഹുവാ” ഗാനത്തിനായിരുന്നു ഇവർ ചുവടുവച്ചത്. അതിഥികൾക്ക് ഏറെ ആഹ്ലാദകരമായ തരത്തിലായിരുന്നു ഇരുവരുടെയും നൃത്തം. പരമ്പരാഗതമായ കുർത്തയും പൈജാമയും ആയിരുന്നു മുകേഷ് അംബാനിയുടെ വേഷം. ഗോൾഡൻ നിറത്തിലെ സാരിയാണ് നിതാ അംബാനി ധരിച്ചിരുന്നത്.
മൂന്ന് ദിവസത്തെയും പ്രീവെഡ്ഡിംഗ് ആഘോഷങ്ങൾ താരനിബിഡമായിരുന്നു. പരിപാടിയിലെ ആദ്യ ദിവസത്തെ ആകർഷണം പോപ് ഗായിക റിഹാനയുടെ ഗാനങ്ങളായിരുന്നു. രണ്ടാം ദിനത്തിലായിരുന്നു ബോളിവുഡിലെ താരങ്ങൾ അടക്കം നൃത്തം അവതരിപ്പിച്ചത്. അംബാനി കുടുംബത്തിന്റെ ജാംനഗറിലുള്ള റിഫൈനറി ടൗണ്ഷിപ്പിലാണ് ആഘോഷപരിപാടികള് നടക്കുന്നത്.
