ന്യൂഡൽഹി: ക്രിക്കറ്റ് ആരാധകർക്ക് സന്തോഷവാർത്ത. ഏകദിന ലോകകപ്പിന് പിന്നാലെ ആരാധകർക്ക് ടി20 ലോകകപ്പും സൗജന്യമായി കാണാം.മൊബൈൽ ആപ്പിൽ മത്സരം സൗജന്യമായി കാണാനാകുന്ന കാര്യം ഡിസ്നി പ്ലസ് ഹോട്ട്സ്റ്റാറാണ് അറിയിച്ചത്. നേരത്തേ 2023 ഏഷ്യാ കപ്പും 2023 ഏകദിന ലോകകപ്പും ഹോട്ട്്സ്റ്റാർ സൗജന്യമായി സംപ്രേഷണം ചെയ്തിരുന്നു.
യുട്യൂബിലൂടെയാണ് ടി20 ലോകകപ്പ് സൗജന്യമായി കാണാനാകുന്ന കാര്യം ഹോട്ട്്സ്റ്റാർ അറിയിച്ചത്. എല്ലാ കളികളും ഹോട്ട്സ്റ്റാർ തന്നെയാണ് സംപ്രേഷണം ചെയ്യുന്നത്. സബ്സ്ക്രിപ്ഷൻ എടുത്താൽ മാത്രമേ വെബ്സൈറ്റിലൂടെ ടി20 ലോകകപ്പ് കാണാനാകൂ.
ജൂൺ 1 മുതൽ 29 വരെയാണ് ടി20 ലോകകപ്പ് നടക്കുക. അമേരിക്കയും വെസ്റ്റിൻഡീസും സംയുക്തമായാണ് ക്രിക്കറ്റ് മാമാങ്കത്തിന് ആതിഥേയത്വം വഹിക്കുക. യു.എസ്.എ.യും കാനഡയും തമ്മിലാണ് ആദ്യ മത്സരം. ചിരവൈരികളായ ഇന്ത്യ-പാക മത്സരം ജൂൺ 9-നാണ്. 20 ടീമുകളാണ് മത്സരത്തിനുണ്ടാവുക.
