2015ലെ തമിഴ്നാട് സംസ്ഥാന ചലച്ചിത്ര പുരസ്കാരം കഴിഞ്ഞ ദിവസമായിരുന്നു സർക്കാർ പ്രഖ്യാപിച്ചത്. മികച്ച സിനിമയായി തനിഒരുവനും മികച്ച നടിയായി ജ്യോതികയും മികച്ച നടനായി മാധവനും തിരഞ്ഞെടുക്കപ്പെട്ടു. ഇന്നാണ് പുരസ്കാര വിതരണം.
ഇരുധി സുട്രു എന്ന ചിത്രത്തിലെ പ്രകടനത്തിനാണ് മാധവന് പുരസ്കാരം. 36 വയതിനിലെ എന്ന ചിത്രത്തിലൂടെയാണ് ജ്യോതികയെ മികച്ച നടിയായി തിരഞ്ഞെടുത്തത്. ജയംരവി ചിത്രമായ തനി ഒരുവനിലെ പ്രകടനത്തിന് മികച്ച വില്ലനായി അരവിന്ദ് സ്വാമിയേയും തിരഞ്ഞെടുത്തു. വൈ രാജ വൈ എന്ന സിനിമയിലെ പ്രകടനത്തിന് ഗൗതം കാർത്തിക്കും ഇരുധി സുട്രുവിലെ പ്രകടനത്തിന് റിതിക സിംഗും പ്രത്യേക ജൂറി പുരസ്കാരവും സ്വന്തമാക്കി.
2015ലെ സംസ്ഥാന ചലച്ചിത്ര പുരസ്കാരം ഒമ്പത് വർഷത്തിന് ശേഷമാണ് പ്രഖ്യാപിച്ചത് എന്ന കാര്യം പലരെയും ആശയക്കുഴപ്പത്തിലാക്കിയിരുന്നു. എന്തുകൊണ്ട് പുരസ്കാര പ്രഖ്യാപനം വൈകിയെന്നായിരുന്നു സോഷ്യൽ മീഡിയയിൽ ഉയർന്ന ചോദ്യം. കാരണമിതാണ്..
1967 മുതലായിരുന്നു തമിഴ്നാട് സംസ്ഥാന ചലച്ചിത്ര അവാർഡുകൾ പ്രഖ്യാപിക്കാൻ തുടങ്ങിയത്. എന്നാൽ 2008ന് ശേഷം പ്രഖ്യാപനം നിർത്തലാക്കി. ഒമ്പത് വർഷത്തിന് ശേഷം തീരുമാനം മാറുകയും 2017 മുതൽ വീണ്ടും പുരസ്കാരം നൽകാൻ ആരംഭിക്കുകയും ചെയ്തു. 2009 മുതൽ 2014 വരെയുള്ള കാലത്ത് നിർത്തലാക്കിയ അവാർഡുകൾ 2017 നും 2023നും ഇടയിൽ വിതരണം ചെയ്യുകയായിരുന്നു. ഇതിനിടെ കൊറോണ മഹാമാരി മൂലം 2020 പുരസ്കാര പ്രഖ്യാപനം നടന്നില്ല. ഇതുകൊണ്ടാണ് 2015ലെ പുരസ്കാരം 2024ൽ വിതരണം ചെയ്യുന്നത്.
2015ലെ പുരസ്കാരങ്ങളിങ്ങനെ:-
മികച്ച ചിത്രം: തനി ഒരുവൻ
മികച്ച രണ്ടാമത്തെ ചിത്രം: പസംഗ 2
മികച്ച മൂന്നാമത്തെ ചിത്രം: പ്രഭ
മികച്ച ചിത്രം, പ്രത്യേക ജൂറി പുരസ്കരാം – ഇരുധി സുട്രു
സ്ത്രീ ശാക്തീകരണം പ്രമേയമാകുന്ന മികച്ച ചിത്രം: – 36 വയതിനിലെ
മികച്ച വില്ലൻ – അരവിന്ദ് സ്വാമി (തനി ഒരുവൻ)
മികച്ച ഹാസ്യ നടൻ – സിംഗപ്പുലി (അഞ്ചുക്ക് ഒന്ന്)
മികച്ച ഹാസ്യ നടി – ദേവദർശിനി (തിരുട്ടു കല്യാണം, 36 വയതിനിലെ)
മികച്ച സഹനടൻ – തലൈവാസൽ വിജയ് (അപൂർവ മഹാൻ)
മികച്ച സഹനടി – ഗൗതമി (പാപനാശം)
മികച്ച ഡയറക്ടർ – സുധ കൊങ്ങര (ഇരുധി സുട്രു)
മികച്ച കഥാകൃത്ത് – മോഹൻ രാജ (തനി ഒരുവൻ)
മികച്ച സംഭാഷണ രചയിതാവ് – ആർ ശരവണൻ (കത്തുക്കുട്ടി)
മികച്ച സംഗീത സംവിധായകൻ – ജിബ്രാൻ (ഉത്തമ വില്ലൻ, പാപനാശം)
മികച്ച ഗാനരചയിതാവ് – വിവേക് (36 വയതിനിലെ)
മികച്ച പിന്നണി ഗായകൻ – ഗാന ബാല (വൈ രാജ വായ്)
മികച്ച പിന്നണി ഗായിക – കൽപന രാഘവേന്ദർ (36 വയതിനിലെ)
മികച്ച ഛായാഗ്രാഹകൻ – റാംജി (തനി ഒരുവൻ)
മികച്ച സൗണ്ട് ഡിസൈനർ – എഎൽ തുക്കാറാം, ജെ മഹേശ്വരൻ (തക്ക തക്ക)
മികച്ച എഡിറ്റർ – ഗോപി കൃഷ്ണ (തനി ഒരുവൻ)
മികച്ച കലാസംവിധായകൻ – പ്രഭാഹരൻ (പസംഗ 2)
മികച്ച സ്റ്റണ്ട് കോർഡിനേറ്റർ – ടി രമേഷ് (ഉത്തമ വില്ലൻ)
മികച്ച കൊറിയോഗ്രാഫർ – ബൃന്ദ (തനി ഒരുവൻ)
മികച്ച മേക്കപ്പ് – ശബരി ഗിരീശൻ (36 വയതിനിലെ, ഇരുധി സുട്രു)
മികച്ച വസ്ത്രാലങ്കാരം – വാസുകി ഭാസ്കർ (മായ)
മികച്ച ബാലതാരം – മാസ്റ്റർ നിശേഷ്, ബേബി വൈഷ്ണവി (പസംഗ 2)
മികച്ച ഡബ്ബിംഗ് ആർട്ടിസ്റ്റ് (പുരുഷൻ) – ഗൗതം കുമാർ (36 വയതിനിലെ)
മികച്ച ഡബ്ബിംഗ് ആർട്ടിസ്റ്റ് (സ്ത്രീ) – ആർ ഉമാ മഹേശ്വരി (ഇരുധി സുട്രു)
