തിരുപ്പതി തിരുമല ക്ഷേത്രത്തിൽ ദർശം നടത്തി ബോളിവുഡ് നായിക ജാൻവി കപൂർ. ജന്മദിനത്തിലാണ് താരം ക്ഷേത്രത്തിൽ ദർശനത്തിനെത്തിയത്. കാമുകനായ ശിഖർ പഹാരിയയ്ക്കൊപ്പമാണ് നടി തിരുപ്പതിയിൽ എത്തിയത്. ഇവർക്കൊപ്പം സാമൂഹിക പ്രവർത്തകനായ ഓറിയും ഉണ്ടായിരുന്നു. രാവിലെ ക്ഷേത്രത്തിൽ എത്തിയ താരം പ്രത്യേക പൂജകളിലും പങ്കെടുത്തു.
ദർശനം നടത്തിയ ശേഷം നടി ക്ഷേത്രത്തിൽ പ്രദക്ഷിണവും സാഷ്ടാംഗ നമസ്കാരവും നടത്തി. ഒപ്പം ക്ഷേത്രത്തിലെ വിശിഷ്ട കൽത്തൂണുകളിൽ പ്രാർത്ഥന നടത്തുകയും ചെയ്തു. പരമ്പരാഗത വേഷത്തിൽ ഇരുവരും ക്ഷേത്രത്തിൽ ദർശനം നടത്തുന്നതിന്റെ വീഡിയോ സമൂഹമാദ്ധ്യമങ്ങളിൽ വൈറലാവുകയാണ്. ആരാധകർക്കൊപ്പം ചിത്രങ്ങളുമെടുത്ത ശേഷമാണ് ജാൻവി മടങ്ങിയത്.
