സിനിമാ റിവ്യൂ പറഞ്ഞ് സമൂഹമാദ്ധ്യമങ്ങളിൽ വൈറലായ ആളുകളാണ് സന്തോഷ് വർക്കിയും അലൻ ജോസ് പെരേരയും. മോഹൻലാൽ സിനിമയായ ആറാട്ടിന്റെ റിവ്യൂ പറഞ്ഞാണ് സന്തോഷ് വർക്കി വൈറലായത്. പാട്ടുപാടിയും ഡാൻസ് കളിച്ചുമൊക്കെയാണ് അലൻ ജോസ് പെരേര വൈറലാകാൻ ശ്രമങ്ങൾ നടത്തിയത്. ഇരുവർക്കുമെതിരെ സമൂഹമാദ്ധ്യമങ്ങളിൽ നിരവധി ട്രോളുകളും നിറയാറുണ്ട്.
സാനിയ ഇയ്യപ്പൻ കമന്റിട്ടാൽ താൻ ഇനി സിനിമാ റിവ്യൂവും ഡാൻസും ചെയ്യുന്നത് നിർത്തുമെന്ന് അലൻ പെരേര പറയുന്നൊരു വീഡിയോ സമൂഹമാദ്ധ്യമങ്ങളിൽ വൈറലായിരുന്നു. ഉടൻ തന്നെ സാനിയ ഇയ്യപ്പൻ വീഡിയോയ്ക്ക് കമന്റുമായി എത്തിയിരുന്നു. ‘നിർത്തിക്കോ’ എന്നായിരുന്നു നടിയുടെ കമന്റ്.
സാനിയയുടെ കമന്റിന് നിരവധി പേരാണ് മറുപടിയുമായെത്തിയത്. ‘ഇത് കേരളക്കരയുടെ വിജയം, ഒരു ഇൻഡസ്ട്രിയെ സാനിയ രക്ഷിച്ചു, അങ്ങനെ സാനിയയെ കൊണ്ടൊരു ഉപകാരം ഉണ്ടായി, വളരെ നല്ല കാര്യം അത് കലക്കി, സാനിയ വാക്ക് പാലിച്ചു… പെരേരയും വാക്ക് പാലിക്കണം…’ എന്നിങ്ങനെയുള്ള നിരവധി കമന്റുകളാണ് വീഡിയോയ്ക്ക് വരുന്നത്.
ഇഷ്ടതാരങ്ങളെ കൊണ്ട് കമന്റിടുക എന്ന കമന്റ് സമൂഹമാദ്ധ്യമങ്ങളിൽ കുറച്ച് നാളുകളായി വൈറലായിരുന്നു. ടൊവിനോ തോമസ് കമന്റിട്ടാൽ പരീക്ഷയ്ക്ക് പഠിക്കാമെന്നും, ബേസിൽ ജോസ് കമന്റിട്ടാൽ ദുബായിൽ നിന്നും നാട്ടിലേക്ക് വരാമെന്നുമുള്ള നിരവധി വീഡിയോകൾ സമൂഹമാദ്ധ്യമങ്ങളിൽ നിറഞ്ഞിരുന്നു. ഇതിന് പിന്നാലെയാണ് സാനിയ കമന്റിട്ടാൽ, ഇനി സിനിമാ റിവ്യൂ പറയില്ലെന്ന് അലൻ ജോസ് പെരേരയും പറഞ്ഞത്.
View this post on Instagram