കാപ്പി ഇഷ്ടപ്പെടുന്നവരായിരിക്കും ബഹുഭൂരിപക്ഷം ആളുകളും. ദക്ഷിണേന്ത്യൻ കോഫികളുടെ കാര്യം പറയുകയാണെങ്കിൽ അതിന്റെ സ്വാദും സുഗന്ധവും വേറെ തന്നെയാണ്. അത്തരത്തിൽ ജനപ്രിയ ഫുഡ് ആൻഡ് ട്രാവൽ ഗൈഡ് പ്ലാറ്റ്ഫോമായ ടേസ്റ്റ് അറ്റ്ലസിന്റെ പട്ടികയിൽ രണ്ടാമനായി ഇടംപിടിച്ചിരിക്കുകയാണ് ഇന്ത്യയുടെ സ്വന്തം ദക്ഷിണേന്ത്യൻ ഫിൽട്ടർ കോഫി.
ക്യൂബൻ എക്പ്രസോയാണ് പട്ടികയിലെ ഒന്നാം സ്ഥാനക്കാരൻ. ഫിൽട്ടർ മെഷീൻ ഉപയോഗിച്ച് നന്നായി പൊടിച്ച കാപ്പിക്കുരു ഉപയോഗിച്ച് ഈ കോഫി വളരെ രുചിയോടെ ഉണ്ടാക്കിയെടുക്കാൻ സാധിക്കും. പഞ്ചസാര കുറച്ചിട്ടാൽ പോലും ദക്ഷിണേന്ത്യൻ കോഫികളുടെ സ്വാദ് കുറഞ്ഞു പോവുകയില്ല എന്നതാണ് സത്യം. എക്സപ്രസൊ ഫെഡോ, ഫ്രെഡോ കാപ്പുച്ചിനോ എന്നീ ഗ്രീസിലെ കോഫികളാണ് മൂന്നും നാലും സ്ഥാനങ്ങൾ കരസ്ഥമാക്കിയിരിക്കുന്നത്.