ന്യൂഡൽഹി : ആർട്ടിക്കിൾ 370 സിനിമയ്ക്ക് അഭിനന്ദനവുമായി പ്രതിരോധ മന്ത്രി രാജ്നാഥ് സിംഗ് . ന്യൂഡൽഹിയിലെ തിയേറ്ററിൽ കുടുംബത്തോടൊപ്പം ‘ആർട്ടിക്കിൾ 370’ സിനിമ കണ്ടുവെന്ന് രാജ്നാഥ് സിംഗ് പറഞ്ഞു. ചിത്രം യഥാർത്ഥ സംഭവങ്ങളിൽ നിന്ന് പ്രചോദനം ഉൾക്കൊണ്ട് , സംഭവങ്ങളെ വളരെ ഫലപ്രദമായി അവതരിപ്പിച്ചിരിക്കുന്നുവെന്നും അദ്ദേഹം പറഞ്ഞു .
“ഈ പ്രശ്നം എത്ര സങ്കീർണ്ണമായിരുന്നുവെന്നും പരിഹാരം എത്ര വെല്ലുവിളി നിറഞ്ഞതായിരുന്നുവെന്നും ഈ ചിത്രം കാണിക്കുന്നു, കൂടാതെ ഇത് സ്ത്രീ ശാക്തീകരണത്തിന്റെ മികച്ച ഉദാഹരണവുമാണ് . ഫലപ്രദമായ അവതരണത്തിന് നിർമ്മാതാവിനെയും സംവിധായകനെയും ഈ സിനിമയുടെ എല്ലാ അഭിനേതാക്കളെയും ഞാൻ അഭിനന്ദിക്കുന്നു, ”അദ്ദേഹം കുറിച്ചു.
അതേസമയം ആർട്ടിക്കിൾ 370 ബോക്സ് ഓഫീസിൽ ശ്രദ്ധേയമായ നേട്ടം കൈവരിക്കുകയാണ് .15 ദിവസത്തെ മൊത്തം വരുമാനം 59.55 കോടി രൂപയായി .ആദിത്യ സുഹാസ് ജംഭാലെ സംവിധാനം ചെയ്ത ‘ആർട്ടിക്കിൾ 370’ ൽ യാമി ഗൗതം , പ്രിയാമണി, അരുൺ ഗോവിൽ, കിരൺ കർമാർക്കർ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു.
