പാലക്കാട്: പ്രധാനമന്ത്രി നരേന്ദ്രമോദി ഈ മാസം 15-ന് പത്തനംതിട്ടയിലെത്തും. ലോക്സഭ തിരഞ്ഞെടുപ്പിന്റെ പശ്ചാത്തലത്തിലാണ് പ്രധാനമന്ത്രി വീണ്ടും കേരളത്തിലെത്തുന്നതെന്ന് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ പറഞ്ഞു.
എന്ഡിഎയുടെ തിരഞ്ഞെടുപ്പ് പ്രവര്ത്തനങ്ങള്ക്ക് തുടക്കം കുറിച്ചുകൊണ്ട് 15-ന് പത്തനംതിട്ടയില് നടക്കുന്ന പൊതുസമ്മേളനത്തില് പ്രധാനമന്ത്രി പങ്കെടുക്കും. ആയിരത്തോളം പേർ അണിനിരക്കുന്ന പരിപാടിയെ അദ്ദേഹം അഭിസംബോധന ചെയ്യും. ബിജെപി പാലക്കാട് ജില്ലാ കമ്മിറ്റിയാണ് ഇക്കാര്യം ഔദ്യോഗികമായി അറിയിച്ചത്.
19-നാണ് പാലക്കാട് പ്രധാനമന്ത്രി പങ്കെടുക്കുന്ന റോഡ് ഷോ സംഘടിപ്പിച്ചിരിക്കുന്നത്. 19-ന് രാവിലെ 10 മണിക്ക് പാലക്കാട് ഗവ. മോയന് സ്കൂള് പരിസരത്ത് നിന്ന് കോട്ട മൈതാനം അഞ്ചുവിളക്ക് വരെയാണ് റോഡ്ഷോ നടക്കുന്നത്. ഗവ.മോയന് സ്കൂള് മുതല് സ്റ്റേഡിയം സ്റ്റാന്ഡ് വരെയും പരിഗണനയിലുണ്ട്. സുരക്ഷാ സേനയുടെ പരിശോധനയ്ക്ക് ശേഷമേ അന്തിമ തീരുമാനമുണ്ടാകുകയുള്ളൂ.
ഈ മാസം 15-ന് പാലക്കാടും 17-ന് പത്തനംതിട്ടയിലും പ്രധാനമന്ത്രി എത്തുമെന്നാണ് നേരത്തെ അറിയിച്ചിരുന്നത്. എന്നാൽ ഇപ്പോൾ സമയത്തിലുൾപ്പെടെയാണ് മാറ്റം വന്നിരിക്കുന്നത്.