കേന്ദ്രമന്ത്രി അമിത് ഷായുമായി കൂടിക്കാഴ്ച നടത്തി ഹനുമാൻ ടീം; ചിത്രത്തെ പ്രശംസിച്ച് ആഭ്യന്തരമന്ത്രി

കേന്ദ്ര ആഭ്യന്തരമന്ത്രി അമിത് ഷായെ സന്ദർശിച്ച് ഹനുമാൻ ടീം. നടൻ തേജ സജ്ജ, സംവിധായകൻ പ്രശാന്ത് വർമ്മ എന്നിവരാണ് അദ്ദേഹവുമായി കൂടിക്കാഴ്ച നടത്തിയത്. ചർച്ചകൾ നടത്തുകയും ഹനുമാൻ വിഗ്രഹം അദ്ദേഹത്തിന് സമ്മാനിക്കുകയും ചെയ്തു. ഹനുമാൻ ടീമിനൊപ്പമുള്ള ചിത്രങ്ങൾ അമിത് ഷാ സമൂഹമാദ്ധ്യമമായ എക്‌സിൽ പങ്കുവച്ചു.

Met the talented actor Shri @tejasajja123 and film director Shri @PrasanthVarma of the recent superhit movie Hanuman.

The team has done a commendable job of showcasing Bharat’s spiritual traditions and the superheroes that have emerged from them. Best wishes to the team for… pic.twitter.com/pt8gNy9Rbh

— Amit Shah (Modi Ka Parivar) (@AmitShah) March 12, 2024

‘ അടുത്ത കാലത്തിറങ്ങിയ വളരെ മികച്ച ചിത്രങ്ങളിലൊന്നായ ഹനുമാനിലെ നടൻ തേജ സജ്ജ, സംവിധായകൻ പ്രശാന്ത് വർമ്മ എന്നിവരുമായി കൂടിക്കാഴ്ച നടത്തി. വളരെ പ്രശംസനീയ രീതിയിലാണ് ചിത്രത്തിൽ ഭാരതത്തിന്റെ ആത്മീയ പാരമ്പര്യങ്ങളെയും സൂപ്പർഹീറോകളെയും ചിത്രീകരിച്ചിരിക്കുന്നത്. ഹനുമാൻ ടീമിന്റെ വരാനിരിക്കുന്ന ചിത്രങ്ങൾക്കും ആശംസകൾ. എന്നായിരുന്നു ചിത്രങ്ങൾ പങ്കുവച്ച് അമിത് ഷാ എക്‌സിൽ പങ്കുവച്ച കുറിപ്പ്.

കൂടിക്കാഴ്ചയുടെ വിവരങ്ങൾ തേജ സജ്ജയും സമൂഹമാദ്ധ്യമങ്ങളിൽ പങ്കുവച്ചു. അമിത് ഷാ സാറിനെ നേരിട്ട് കാണാൻ സാധിച്ചതിൽ സന്തോഷമുണ്ട്. താങ്കളുടെ വാക്കുകൾക്ക് നന്ദി എന്നായിരുന്നു തേജസജ്ജ പങ്കുവച്ച കുറിപ്പ്.

പ്രശാന്ത് വർമ്മ സംവിധാനം ചെയ്ത ‘ഹനുമാൻ’ എന്ന ചിത്രത്തിൽ തേജ സജ്ജയായിരുന്നു ഹനുമാന്റെ വേഷത്തിലെത്തിയത്. കന്നട സിനിമാ മേഖലയിൽ കഴിഞ്ഞ വർഷം വൻ വിജയം നേടിയ ഒരു ചിത്രം കൂടിയായിരുന്നു ഇത്. അമൃത അയ്യർ, വരലക്ഷ്മി ശരത്കുമാർ, രാജ് ദീപക് ഷെട്ടി എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.