ന്യൂഡൽഹി: പുൽവാമയിലെ സൈനികരുടെ വീരമൃത്യുവിനെ അധിക്ഷേപിച്ച ആന്റോ ആന്റണിയുടെ പരാമർശത്തിൽ രൂക്ഷ വിമർശനവുമായി അനിൽ ആന്റണി. ഭീകരവാദ പ്രവർത്തനങ്ങളെ വെള്ളപൂശുന്ന സമീപനമാണിതെന്നും നമ്മുടെ ജവാന്മാരുടെ ത്യാഗത്തെ അപമാനിച്ചെന്നും അനിൽ കെ ആന്റണി പറഞ്ഞു.
പുൽവാമയിൽ നടന്നത് നമ്മുടെ രാജ്യത്തിനെതിരെ ആക്രമണം നടത്തുന്ന ശത്രുക്കളുടെ ഭീകരാക്രമണമാണ്. അതിർത്തി കടന്നുള്ള ഭീകരതയാണ് നമ്മൾ നേരിടുന്ന ഏറ്റവും വലിയ വെല്ലുവിളി. ഇത്തരം പ്രസ്താവനയിലൂടെ ആന്റോ ആന്റണി തീവ്രവാദ പ്രവർത്തനങ്ങളെ വെള്ളപൂശുകയാണ്.
നമ്മുടെ ജവാന്മാരുടെ ത്യാഗത്തെയും ശക്തിയെയും അദ്ദേഹം അപമാനിച്ചു. ഇന്ത്യൻ സായുധ സേനയുടെ കരുത്തുറ്റ പ്രവർത്തനങ്ങളെ ചോദ്യം ചെയ്തുവെന്നും അനിൽ കെ ആന്റണി പറഞ്ഞു.
