വ്യത്യസ്തമായ കഥാപാത്രങ്ങളിലൂടെ തെന്നിന്ത്യൻ പ്രേക്ഷകരുടെ പ്രിയതാരമായ നടിയാണ് വരലക്ഷ്മി ശരത് കുമാർ. അടുത്തിടെയാണ് മുംബൈ സ്വദേശിയും ആർട്ട് ഗ്യാലറിസ്റ്റുമായ നിക്കോളായ് സച്ചിദേവുമായുള്ള നടിയുടെ വിവാഹ നിശ്ചയം നടന്നത്. പിന്നാലെ നിരവധി ഗോസിപ്പുകളും നിറഞ്ഞിരുന്നു. നിക്കോളായിയുടെ ആദ്യവിവാഹത്തെക്കുറിച്ചായിരുന്നു ചർച്ചകൾ. എന്നാൽ ഈ വാർത്തകളോടൊന്നും വരലക്ഷ്മിയോ കുടുംബാംഗങ്ങളോ പ്രതികരിച്ചിരുന്നില്ല.
ഇപ്പോഴിതാ തനിക്കെതിരെ പുറത്തുവന്ന വ്യാജ വാർത്തകളോട് പ്രതികരിച്ചിരിക്കുകയാണ് വരലക്ഷ്മി. എക്സിൽ നടി പങ്കുവച്ച കുറിപ്പാണ് ശ്രദ്ധനേടുന്നത്. ‘ പഴയ വ്യാജ വാർത്തകൾ വീണ്ടും പ്രചരിപ്പിക്കുന്നത് വളരെ സങ്കടകരമായ കാര്യമാണ്. എന്തുകൊണ്ടാണ് ഓൺലൈൻ മാദ്ധ്യമങ്ങൾ സത്യസന്ധമായ വാർത്തകൾ പുറത്തുകൊണ്ടുവരാത്തത്. സെലിബ്രറ്റികളുടെ പിന്നാലെ നടന്ന് വാർത്തകൾ കണ്ടെത്തുന്നത് ഇനിയെങ്കിലും നിർത്തൂ. സമൂഹത്തിൽ നിങ്ങൾ ശ്രദ്ധ നൽകേണ്ട ആയിരക്കണക്കിന് പ്രശ്‌നങ്ങളുണ്ട്. എന്റെ മൗനത്തെ നിങ്ങൾ ബലഹീനതയായി കാണരുത്.
വരലക്ഷ്മിയുടെ മാനേജർ ആദിലിംഗം ഉൾപ്പെട്ട ഒരു കേസിൽ വരലക്ഷ്മിയെ ചോദ്യം ചെയ്യാൻ വിളിച്ചുവരുത്തിയെന്ന തരത്തിലാണ് വാർത്തകൾ പ്രചരിക്കുന്നത്. ഈ കേസിൽ 2023ലും വരലക്ഷ്മിയെ ചോദ്യം ചെയ്തിരുന്നു എന്ന തരത്തിലും വാർത്തകളുണ്ട്.
