നവിമുംബൈ: വാഷി ശാഖയിൽ എട്ടാമത് ശ്രീനാരായണ ഗുരുദേവ പ്രതിഷ്ഠാവാർഷികം ഞായർ തിങ്കൾ ദിവസങ്ങളിൽ. ശ്രീനാരായണ ധർമ്മ പരിപാലന യോഗം മുംബൈ-താനെ യുണിയനിലുള്ള വാഷി ശാഖയോഗം, വനിതാസംഘം എന്നിവയുടെ സംയുക്താഭിമുഖ്യത്തിലാണ് എട്ടാമത് ശ്രീനാരായണ ഗുരുദേവ പ്രതിഷ്‌ഠാവാർഷിക മഹോത്സവം നടക്കുന്നത്.
കോപ്പർ ഖൈർണയിലെ സെക്റ്റർ പന്ത്രണ്ടിലുള്ള വരദവിനായക് അപ്പാർട്മെന്റിലെ ശാഖായോഗം ഗുരുമന്ദിരത്തിലാണ് മഹോത്സവം. ഏപ്രിൽ 17,18 തീയതികളിൽ വിനീഷ് ശാന്തിയുടെ മുഖ്യകാർമികത്വത്തിൽ വിശേഷാൽ പൂജകൾ നടക്കും. ആദ്യദിനം മഹാഗുരുപൂജ, ഗുരുപുഷ്പാഞ്ജലി, സർവ്വഐശ്വര്യ പൂജ അന്നദാനം എന്നിവ നടക്കും. രണ്ടാംദിനം അഷ്ടദ്രവ്യ മഹാഗണപതിഹോമം, മഹാഗുരുപൂജ, ഗുരുപുഷ്പാഞ്ജലി, ഗുരുഭഗവതപാരായണം, കലശപൂജ, കലശാഭിഷേകം, ഉച്ചപൂജ എന്നിവ നടക്കും. തുടർന്ന് അന്നപ്രാസാദവും ഉണ്ടായിരിക്കുമെന്ന് ശാഖായോഗം സെക്രട്ടറി എം. ജയകുമാർ അറിയിച്ചു.
