നല്ല ഭക്ഷണം ആരോഗ്യത്തിന്റെ വീക്ഷണകോണിൽ നിന്ന് വിലയിരുത്തപ്പെടുക മാത്രമല്ല, അതിന്റെ ലഭ്യതയെക്കുറിച്ച് പതിവായി ഗവേഷണം നടക്കുകയും ചെയ്യാറുണ്ട്. അത്തരത്തിലുള്ള ഒരു ഗവേഷണമാണ് കഴിഞ്ഞ കുറച്ച് ദിവസങ്ങളിൽ ആളുകൾക്കിടയിൽ ചർച്ച ചെയ്യപ്പെടുന്നത് . മാംസാഹാരികൾക്കുള്ള ഭക്ഷണമായി പെരുമ്പാമ്പിന്റെ മാംസമാണ് ശാസ്ത്രജ്ഞർ നിർദേശിക്കുന്നത് .
ലളിതമായി പറഞ്ഞാൽ, നോൺ വെജിറ്റേറിയൻ ആളുകൾ അവരുടെ ഭക്ഷണത്തെക്കുറിച്ച് ഇനി ഗൗരവമായി ചിന്തിക്കണം. ആട്ടിറച്ചി , കോഴിയിറച്ചി തുടങ്ങിയവേയേക്കാൾ പെരുമ്പാമ്പിന്റെ മാംസം കൂടുതൽ ഗുണം ചെയ്യുമെന്ന് ശാസ്ത്രജ്ഞർ പറയുന്നു.മനുഷ്യന് മാത്രമല്ല, പരിസ്ഥിതിക്കും പെരുമ്പാമ്പിന്റെ മാംസം ഏറെ ഗുണം ചെയ്യും. മറ്റ് മാംസങ്ങളെ അപേക്ഷിച്ച് ഏറെ പോഷകപ്രദവുമാണിത് .
ഓസ്ട്രേലിയയിലെ മക്വാറി യൂണിവേഴ്സിറ്റിയിലെ നെറ്റ്ഷും അദ്ദേഹത്തിന്റെ സഹപ്രവർത്തകരുമാണ് ഈ കണ്ടെത്തലിന് പിന്നിൽ . അസാധാരണമായ സാഹചര്യങ്ങളിൽ പട്ടിണി കിടന്ന് പെരുമ്പാമ്പുകൾക്ക് സ്വയം ജീവൻ നിലനിർത്താൻ കഴിയും . അതിനാൽ ഏത് ബുദ്ധിമുട്ടുള്ള സാഹചര്യങ്ങളിലും നമുക്ക് പെരുമ്പാമ്പ് വളർത്തൽ നടത്താം. തന്റെ പഠനം ശരിയാണെന്ന് തെളിയിക്കാൻ, വിയറ്റ്നാമിലെയും തായ്ലൻഡിലെയും ഫാമുകളിൽ 12 മാസം വളർത്തിയ രണ്ട് ഇനം പെരുമ്പാമ്പുകളെയും പറ്റി അദ്ദേഹം പഠിച്ചു.ഇതിൽ കൂടുതൽ ലാഭകരം പെരുമ്പാമ്പ് വളർത്തലാണെന്നും കണ്ടെത്തി .