അമരാവതി: തിരുപ്പതി തിരുമല ക്ഷേത്രത്തിൽ ദർശനം നടത്തി മോഹൻലാൽ. സുഹൃത്തുക്കൾക്കൊപ്പം ഇന്ന് രാവിലെയാണ് അദ്ദേഹം തിരുപ്പതി ക്ഷേത്രത്തിൽ ദർശനം നടത്തിയത്.
#WATCH | Actor Mohanlal offered prayers at Tirumala Tirupati temple, earlier today pic.twitter.com/Q1ILzVihza
— ANI (@ANI) March 19, 2024
ക്ഷേത്രത്തിൽ പ്രാർത്ഥനകൾ നടത്തിയ ശേഷം തിരികെ എത്തിയ അദ്ദേഹത്തെ കാണാനായി ആരാധകരും മാദ്ധ്യമ പ്രവർത്തകരും തടിച്ചുകൂടിയിരുന്നു. എന്നാൽ മാദ്ധ്യമങ്ങളോട് സംസാരിക്കാതെയാണ് അദ്ദേഹം മടങ്ങിയത്.
ചിത്രീകരണം പൂർത്തിയാക്കിയ ശേഷം കഴിഞ്ഞ ദിവസമാണ് മോഹൻലാൽ വിദേശത്ത് നിന്ന് മടങ്ങിയെത്തിയത്. ഒരുപിടി ചിത്രങ്ങളാണ് താരരാജാവിന്റേതായി അണിയറയിൽ ഒരുങ്ങുന്നത്.
മോഹൻലാൽ ആദ്യമായി സംവിധാനം ചെയ്യുന്ന ബറോസ് മെയിൽ തിയേറ്ററുകളിലെത്തും. തരുൺ മൂർത്തിക്കൊപ്പമായിരിക്കും അദ്ദേഹത്തിന്റെ അടുത്ത ചിത്രം. സിനിമയുടെ പ്രഖ്യാപനം കഴിഞ്ഞ ദിവസമാണ് നടന്നത്.
