പാരമ്പര്യേതര ഊര്ജ ബിസിനസില് കൂടുതല് ശ്രദ്ധ നൽകുകയാണ് അദാനി ഗ്രൂപ്പ്. അടുത്തവര്ഷം 1.2 ലക്ഷം കോടി രൂപയാണ് വിവിധ മേഖലകളിലെ ഉപകമ്പനികളിലായി അദാനി ഗ്രൂപ്പ് നിക്ഷേപിക്കാനൊരുങ്ങുന്നത്. ഗുജറാത്തിൽ ഏകദേശം 20 ബില്യൺ ഡോളർ ചെലവിലാണ് വിശാലമായ പവർ പ്ലാൻ്റ് ആരംഭിച്ചിരിക്കുന്നത് .
5 വർഷത്തിനുള്ളിൽ പ്ലാന്റ് നിർമ്മാണം പൂർത്തിയാകുമ്പോൾ ലോകത്തിലെ ഏറ്റവും വലിയ റിന്യൂവബിൾ എനർജി പാർക്കായിരിക്കും ഇത് . അന്തരീക്ഷ മലിനീകരണത്തിന് കാരണമാകുന്ന 58 മില്യൻ ടൺ കാർബൺ പുറന്തളളൽ കുറയ്ക്കാനും സാധിക്കും. വെല്ലുവിളി നിറഞ്ഞ റാൻ മരുഭൂമിയിൽ 726 ചതുരശ്ര കിലോമീറ്റർ വിസ്തൃതിയിലാണ് പദ്ധതി വിഭാവനം ചെയ്യുന്നത്.
പാരീസ് നഗരത്തിന്റെ അഞ്ചിരട്ടി വലിപ്പത്തിലാണ് ഈ പവർ പ്ലാന്റ് ഒരുങ്ങുന്നത് . ബഹിരാകാശത്ത് നിന്ന് പോലും ഇത് ദൃശ്യമാണ്. ഈ ഊർജ്ജ പ്ലാന്റിൽ സ്വിറ്റ്സർലൻഡിന് ആവശ്യമായ വൈദ്യുതി മുഴുവൻ ഉത്പാദിപ്പിക്കാനാകുമെന്നാണ് റിപ്പോർട്ട്. ഊർജ മേഖലയിലെ ഇന്ത്യയുടെ കുതിപ്പിൽ “നിർണ്ണായക പങ്ക്” വഹിക്കാൻ ഈ പദ്ധതിക്കാകുമെന്നാണ് പ്രതീക്ഷ.
ഗുജറാത്തിലെ കച്ച് ജില്ലയിൽ സ്ഥിതി ചെയ്യുന്ന ഖവ്ദ, കാറ്റിലും സൗരോർജ്ജത്തിലും പ്രവർത്തിക്കുന്ന വൈദ്യുത പദ്ധതികൾക്ക് അനുയോജ്യമായ സ്ഥലമാണ്. സെക്കൻഡിൽ 8 മീറ്റർ വേഗതയിലാണ് ഇവിടെ കാറ്റ് വീശുന്നത്. രാജ്യത്തെ ഏറ്റവും മികച്ച കാറ്റാടി ഊർജ്ജ സ്രോതസ് ആയിട്ടാണ് ഇത് വിലയിരുത്തുന്നത്.
