ഗുരുദേവ പുനഃപ്രതിഷ്ഠാ വാർഷികവും കുടുംബസംഗമവും ഞായറാഴ്‌ച്ച

നവി മുംബൈ: ശ്രീനാരായണ ധർമ്മ പരിപാലന യോഗം മുംബൈ-താനെ യുണിയനിൽപെട്ട ഐരോളി-ഘൺസോളി ശാഖ ഗുരുമന്ദിരത്തിലെ രണ്ടാമത് ഗുരുദേവ പുനഃപ്രതിഷ്ഠാ
വാർഷികവും ഇരുപത്തൊന്നാമത് കുടുംബസംഗമവും ഞായറാഴ്‌ച്ച (മാർച്ച് 31) ന് നടക്കും. സെക്ടർ പതിനഞ്ചിലെ ഗണപതി മന്ദിരാങ്കണത്തിലെ ശ്രീനാരായണഗുരു ക്ഷേത്രത്തിലാണ് പരിപാടി നടക്കുക.

രാവിലെ 5.30 മുതൽ നിർമ്മാല്യ ദർശനം, ഗണപതി ഹോമം, ഗുരുപൂജ, കുസുമ കുംഭാഭിഷേകം, മഹാഗുരുപൂജ, മഹാനിവേദ്യം, സമൂഹപ്രാർത്ഥന, ദീപാരാധന, മഹാപ്രസാദ വിതരണം തുടങ്ങിയവ നടക്കും. രതീഷ് ശാന്തിയുടെ മുഖ്യകാർമികത്വത്തിലാണ് പൂജാകർമ്മങ്ങൾ നടക്കുക.

വൈകിട്ട് 6.15 മുതൽ ശാഖായോഗം പ്രസിഡന്റ് കെ സുനിൽകുമാറിന്റെ അദ്ധ്യക്ഷതയിൽ നടക്കുന്ന സാംസ്‌കാരിക സമ്മേളനത്തിൽ ശാഖായോഗം സെക്രട്ടറി ലോകേഷ് ഗോവിന്ദൻ സ്വാഗതവും ആഘോഷ കമ്മിറ്റി കൺവീനർ സന്തോഷ് ഗണകൻ കൃതജ്ഞതയും രേഖപ്പെടുത്തും. നവി മുംബൈ ശിവസേന ജില്ലാ പ്രമുഖും സാമൂഹ്യപ്രവർത്തകനുമായ വിജയ് ചൗഗുലെ മുഖ്യാതിഥിയായിരിക്കും.

യൂണിയൻ പ്രസിഡന്റ് എം ബിജുകുമാർ, വൈസ് പ്രസിഡന്റ് ടി കെ മോഹൻ, സെക്രട്ടറി ബിനു സുരേന്ദ്രൻ, വനിതാസംഘം യൂണിയൻ ഭാരവാഹികൾ, ശാഖാ ഭാരവാഹികൾ, ഇതര സഹോദര സംഘടനാ ഭാരവാഹികൾ തുടങ്ങിയവരും പങ്കെടുക്കും. ശേഷം കലാപരിപാടികളും മഹാപ്രസാദ വിതരണവുമുണ്ടാകുമെന്ന് ശാഖാ സെക്രട്ടറി ലോകേഷ് ഗോവിന്ദൻ അറിയിച്ചു.

കൂടുതൽ വിവരങ്ങൾക്ക് ബന്ധപ്പെടുക
9819504262