പ്രേക്ഷകരുടെ പ്രിയതാര ദമ്പതിമാരാണ് രൺബീറും ആലിയ ഭട്ടും. സമൂഹമാദ്ധ്യമങ്ങളിലൂടെയും അല്ലാതെയും താരകുടുംബത്തിന്റെ വിശേഷങ്ങൾ അറിയാൻ ആരാധകർ വലിയ താത്പര്യം കാണിക്കാറുണ്ട്. പൊതുവേദിയിൽ ഇരുവരും ഒരുമിച്ച് പ്രത്യക്ഷപ്പെടുമ്പോഴുള്ള വീഡിയോകളും ചിത്രങ്ങളുമെല്ലാം ശ്രദ്ധ നേടാറുണ്ട്.
ഇപ്പോഴിതാ തങ്ങളുടെ പുതിയ വീടിന്റെ നിർമ്മാണ പ്രവർത്തനങ്ങൾ വിലയിരുത്തുന്നതിന്റെ വീഡിയോയും ചിത്രങ്ങളുമാണ് സമൂഹമാദ്ധ്യമങ്ങളിൽ വൈറലാകുന്നത്. രൺബീറിന്റെ അമ്മ നീതു കപൂറും ഇരുവർക്കും ഒപ്പം സൈറ്റ് സന്ദർശിച്ചു. ബാന്ദ്രയിലാണ് ഇരുവരുടെയും പുതിയ വീട് ഒരുങ്ങുന്നത്. പുതിയ ഭവനത്തിന്റെ പണികൾ അവസാന ഘട്ടത്തിലാണ്. രൺബീറിന്റെ പിതാവ് ഋഷി കപൂർ മരിക്കുന്നതിന് മുമ്പ് തന്നെ വീടുപണികൾ ആരംഭിച്ചിരുന്നു.
View this post on Instagram
രൺബീറിന്റെ മുത്തശിയുടെ പേരാണ് ഈ വീടിന് നൽകിയിരിക്കുന്നത്. കൃഷ്ണ രാജ് എന്ന് പേരിട്ടിരിക്കുന്ന ഈ വീടിനോട് കപൂർ കുടുംബത്തിന് വൈകാരികമായ ബന്ധമുണ്ട്. 1980ൽ ഋഷി കപൂറും നീതു കപൂറും ചേർന്നാണ് ഈ വീട് സ്വന്തമാക്കിയത്. പിന്നീട് 2016ൽ വീട് പുതുക്കി പണിയാൻ തീരുമാനിക്കുകയായിരുന്നു. വീടിന്റെ പണികൾ ആരംഭിച്ച ശേഷമാണ് ഋഷി കപൂർ മരണപ്പെടുന്നത്.
View this post on Instagram
രൺബീറും കുടുംബവും ഇപ്പോൾ ബാന്ദ്രയിലെ ഒരു അപ്പാർട്ട്മെന്റിലാണ് താമസിക്കുന്നത്. 2022 ഏപ്രിലിൽ ആലിയയും രൺബീറും ഈ അപ്പാർട്ട്മെന്റിന്റെ ബാൽക്കണിയിൽ വച്ചാണ് വിവാഹിതരായത്. അതേസമയം ബഹുനിലകളിൽ ഒരുങ്ങുന്ന കൃഷ്ണരാജിൽ നീതു കപൂറിന് മാത്രമായി ഒരു നില ഒരുങ്ങുന്നുണ്ടെന്നാണ് വിവരം.
