തമിഴ് സൂപ്പർതാരം സൂര്യയും സംവിധായകൻ കാർത്തിക്ക് സുബ്ബരാജും ആദ്യമായി ഒന്നിക്കുന്നു. സൂര്യ നായകനാകുന്ന 44-ാമത് ചിത്രത്തിലാണ് ഇരുവരും ഒരുമിക്കുന്നത്. ചിത്രത്തിന്റെ അനൗൺസ്മെന്റ് പോസ്റ്റർ അണിയറ പ്രവർത്തകർ പുറത്തുവിട്ടു. സൂര്യ 44 എന്ന് താൽക്കാലികമായി പേര് നൽകിയിരിക്കുന്ന ചിത്രത്തിന്റെ ടാഗ് ലൈൻ ലവ്, ലോഫർ, വാർ എന്നാണ്.
View this post on Instagram
പുതിയ തുടക്കം എന്നായിരുന്നു ചിത്രത്തിന്റെ അനൗൺസ്മെന്റ് പോസ്റ്റർ പങ്കുവച്ച് സൂര്യ സമൂഹമാദ്ധ്യമങ്ങളിൽ കുറിച്ചത്. കാർത്തിക്ക് സുബ്ബരാജിനൊപ്പമുള്ള ചിത്രവും നടൻ പങ്കുവച്ചു. സൂര്യയുടെ 2ഡി എന്റർടെയ്ൻമെന്റ്സും കാർത്തിക് സുബ്ബരാജിന്റെ സ്റ്റോൺബെഞ്ച് ഫിലിംസും ചേർന്നാണ് സൂര്യ 44 നിർമിക്കുന്നത്. സിനിമയുടെ കൂടുതൽ വിവരങ്ങൾ പുറത്തുവിട്ടിട്ടില്ല.
അതേസമയം കങ്കുവയാണ് സൂര്യയുടേതായി റിലീസിന് തയ്യാറെടുക്കുന്ന പുതിയ ചിത്രം. കങ്കുവയുടെ പോസ്റ്റ് പ്രൊഡക്ഷൻ ജോലികൾ പുരോഗമിക്കുകയാണ്. സുധാ കൊങ്ങരയുടെ സംവിധാനത്തിൽ എത്തുന്ന പുറനാനൂറാണ് സൂര്യ നായകനാകുന്ന മറ്റൊരു ചിത്രം. സിനിമയുടെ ചിത്രീകരണം ഉടൻ ആരംഭിക്കുമെന്ന് അണിയറ പ്രവർത്തകർ അടുത്തിടെ അറിയിച്ചിരുന്നു.
