റിയാൻ പരാഗ്..ഒരു പക്ഷേ ഈ ഒരു വർഷം മുൻപ് കേൾക്കുന്നവർ നെറ്റി ചുളിച്ച് ചോദിക്കുമായിരുന്നു, എന്തിനാണ് സ്ഥിരതയില്ലാത്ത ഈ താരത്തെ ടീമിലുൾപ്പെടുത്തുന്നത്? എന്തിനാണ് നിർണായക ഘട്ടത്തിൽപ്പോലും അനാവശ്യ ഷോട്ട് കളിച്ച് വിക്കറ്റ് വലിച്ചെറിയുന്ന ഇവനെ ടീമിൽ നിലിനിർത്തിയതെന്ന്..
അതിനുള്ള ഉത്തരമായിരുന്നു പോയ രണ്ടു മത്സരങ്ങളും. 22-കാരനായ അസം ഓൾറൗണ്ടർ രാജസ്ഥാന് വേണ്ടി അവതരിച്ചു കഴിഞ്ഞു. സൂര്യകുമാർ യാദവ് പറഞ്ഞ പോലെ റിയാൻ പരാഗ് 2.0.ലക്നൗവിനെതിരെ ആദ്യ മത്സരത്തിൽ സഞ്ജുവിനൊപ്പം 93 റൺസിന്റെ കൂട്ടുക്കെട്ട്. 29 പന്തിൽ 48 റൺസെടുത്ത താരത്തിന് അർഹിച്ച അർ‌ദ്ധ സെഞ്ച്വറി നഷ്ടമായി. എന്നാൽ രണ്ടാം മത്സരത്തിൽ ഡൽഹിക്കെതിരെ രാജസ്ഥാനെ ഒറ്റയ്‌ക്ക് തോളേറ്റി 45 പന്തിൽ 84 റൺസടിച്ചു. ഐപിഎല്ലിൽ ഏഴുന്നൂർ ദിവസത്തിന് ശേഷം ആദ്യ അർദ്ധശതകവും കുറിച്ചു.
ഇന്നിംഗ്സിന്റെ അവസാന ഓവറിൽ ഡൽഹിയുടെ ലോകോത്തര പേസർ ആന്റിച്ച് നോര്‍ക്യയെ തല്ലി ഇല്ലാതാക്കി. 25 റൺസ് അടിച്ചെടുത്ത്, രാജസ്ഥാന് മികച്ച ടോട്ടൽ സമ്മാനിച്ചു. മികച്ച ഷോട്ട് സെലക്ഷനും ഭയമില്ലാത്ത സമീപനവുമാണ് താരത്തെ മുൻ സീസണുകളിൽ നിന്ന് വേറിട്ടു നിർത്തുന്നത്.നോര്‍ക്യക്കെതിരെ കളിച്ച ആ പുൾ ഷോട്ട് അതിനുദാഹരണം.
Riyan Parag ” I’ve been working on lately & I just back myself.I know I’ve got the power and the strength to dig out yorker balls or even hit sixes off the short balls.”
You need special talent like Parag to hit those Yorkers for Six, Another big talent?pic.twitter.com/dkjmsKmQw9
— Sujeet Suman (@sujeetsuman1991) March 29, 2024
“>
2023-24 ആഭ്യന്തര സീസണിലാണ് താരം ഫോമിലേക്ക് ഉയർന്നത്. 17-ാം വയസിൽ 2019ൽ രാജസ്ഥാന് വേണ്ടി അരേങ്ങറിയ പരാഗ് തുടക്ക സീസണുകളിൽ വലിയ പ്രകടനങ്ങളൊന്നും നടത്തിയില്ലെന്ന് മാത്രമല്ല, ആരാധകരുടെ വിമർശനവും ഏറ്റുവാങ്ങിയിരുന്നു. ഇതായിരിക്കാം ഒരു പക്ഷേ പരാഗിന് ഒരു ഇന്ധനമായിരിക്കുന്നത്.
ദിയോദാർ ട്രോഫിയിൽ 354 റൺസ് സ്കോർ ചെയ്ത പരാഗിന്റെ ശരാശരി 88.50 ആയിരുന്നു. മുഷ്താഖ് അലി ടി20 ടൂർണമെന്റിൽ 10 മത്സരത്തിൽ 85 ശരാശരിയിൽ 510 റൺസാണ് താരം സ്കോർ തചെയ്തത്. അസമിനെ സെമി ഫൈനലിലെത്തിക്കാനും പരാഗിന് സാധിച്ചു.
ലക്നൗവിനെതിരെയുള്ള മത്സരത്തിന് പിന്നാലെ പനിയും ശരീര വേദനയെയും തുടർന്ന് കിടപ്പിലായിരുന്ന പരാഗ്. വേദന സംഹാരികൾ കഴിച്ചാണ് മത്സരത്തിന് ഇറങ്ങിയത്. സൂര്യകുമാർ പറഞ്ഞതു പോലെ അയാൾ അടിമുടി മാറിയിരിക്കുന്നു കഠിനാദ്ധ്വാനവും സമർപ്പണവും അയാളെ മികച്ച താരമാക്കി വളർത്തിയെടുത്തിരിക്കുന്നു. പുതിയ രൂപത്തിൽ പുതിയ ഭാവത്തിൽ റിയാൻ പരാഗ് 2.0.
———ആർ.കെ രമേഷ്———
Met a guy at NCA few weeks ago. He came with a slight niggle. Completely focused on his recovery and with great discipline working on his skills. And I was not wrong to tell that to one of the coaches there ‘He is a changed guy’
RIYAN PARAG 2.0 🔥
Watch out— Surya Kumar Yadav (@surya_14kumar) March 28, 2024
“>
