ന്യൂഡൽഹി: യേശുക്രിസ്തുവിന്റെ ത്യാഗ സ്മരണയെ അനുസ്മരിച്ച് പ്രധാനമന്ത്രി നരേന്ദ്രമോദി. യേശുക്രിസ്തുവിലൂടെ അനുകമ്പയുടെയും ക്ഷമയുടെയും പാഠങ്ങൾ ഉൾക്കൊള്ളാൻ എല്ലാവർക്കും സാധിക്കട്ടെയെന്ന് പ്രധാനമന്ത്രി പറഞ്ഞു. എക്സിലൂടെയാണ് പ്രധാനമന്ത്രി അനുസ്മരണ കുറിപ്പ് പങ്കുവച്ചത്.
‘ഇന്ന് ദു:ഖവെള്ളി, യേശുക്രിസ്തുവിന്റെ അഗാധമായ ത്യാഗത്തെ ഞങ്ങൾ ഓർക്കുന്നു. യേശുക്രിസ്തു ത്യാഗത്തിലൂടെ പകർന്നു നൽകിയ സഹനത്തിന്റെ പാഠങ്ങൾ ഉൾക്കൊള്ളാൻ എല്ലാവർക്കും സാധിക്കട്ടെ.’- പ്രധാനമന്ത്രി നരേന്ദ്രമോദി കുറിച്ചു.
യേശു ക്രിസ്തു ക്രൂശുമരണം വരിച്ചതിന്റെ ത്യാഗസ്മരണകൾ ഉണർത്തുന്നതാണ് ദു:ഖവെള്ളി. ലോകമെമ്പാടുമുള്ള ക്രൈസ്തവ സമൂഹം ഇന്ന് ഉപവാസത്തോടെ ദേവാലയങ്ങളിൽ പ്രാർത്ഥന ചടങ്ങുകൾ നടത്തും. യേശു മരണത്തിന് വിധിക്കപ്പെട്ടതിന് ശേഷം പീലാത്തോസിന്റെ ഭവനത്തിൽ നിന്ന് ഗാഗുല്ത്താമലയുടെ മുകളിലേക്ക് കുരിശ് വഹിച്ച് നടത്തിയ യാത്രയാണ് വിശ്വാസികള് അനുസ്മരിക്കുന്നത്.
Today, on Good Friday, we remember the profound sacrifice of Jesus Christ. May everyone find strength in the lessons of compassion and forgiveness it teaches us.
— Narendra Modi (@narendramodi) March 29, 2024
