ഇന്ത്യൻ സ്വാതന്ത്ര്യ സമര സേനാനി വിനായക് ദാമോദർ സവർക്കറുടെ ത്രസിപ്പിക്കുന്ന ജീവിത കഥ തുറന്നുകാട്ടിയ ചിത്രം സ്വാതന്ത്ര്യ വീർ സവർക്കറിനെ പ്രശംസിച്ച് മറാത്തി നടനും ചലച്ചിത്ര സംവിധായകനുമായ പ്രവീൺ ടാർഡെ . സ്ഫോടനാത്മക ചിത്രമെന്നാണ് ടാർഡെ ചിത്രത്തെ വിശേഷിപ്പിച്ചത് .
॥ ധർമ്മോ രക്ഷിതി രക്ഷിത്: ॥ ജാതീയതയെ കുഴിച്ചുമൂടാൻ പോരാടിയ മഹാവ്യക്തിത്വത്തിന്റെ പ്രചോദനാത്മകമായ കഥ . ഉടനടി കണ്ടിരിക്കേണ്ട ഒരു സ്ഫോടനാത്മക ചിത്രം ‘ എന്നാണ് പ്രവീൺ ടാർഡെ ചിത്രത്തെ പറ്റി തന്റെ സോഷ്യൽ മീഡിയയിൽ പോസ്റ്റ് ചെയ്തിരിക്കുന്നത് . ഇതോടൊപ്പം ചിത്രത്തിന്റെ പോസ്റ്ററും അദ്ദേഹം പങ്കുവെച്ചിട്ടുണ്ട്.
പ്രവീൺ ടാർഡെയുടെ ഈ പോസ്റ്റിനെ അഭിനന്ദിച്ച് ഒട്ടേറെ പേരാണ് രംഗത്തെത്തിയത് . ഒരു മറാത്തി സ്വാതന്ത്ര്യ സമര സേനാനിയെ കുറിച്ച് , മറാത്തിക്കാരൻ നിർമ്മിച്ച സിനിമയെക്കുറിച്ച് അഭിപ്രായം പ്രകടിപ്പിച്ച, ആദ്യത്തെ മറാത്തി സിനിമാ നടൻ താങ്കളാണെന്നാണ് പലരും കമന്റ് ചെയ്യുന്നത് .