എറണാകുളം: ആലുവയിൽ സൂപ്പർമാർക്കറ്റ് കത്തിനശിച്ചു. പറവൂർ കവലയ്ക്ക് സമീപമുള്ള ഫാമിലി സൂപ്പർമാർക്കറ്റാണ് കത്തിയത്. ഇന്ന് പുലർച്ചെയോടെയായിരുന്നു സംഭവം. ലക്ഷങ്ങളുടെ നാശനഷ്ടം സംഭവിച്ചിട്ടുണ്ട്.
കടയുടെ ഷട്ടറിനുള്ളിൽ നിന്നും പുക വരുന്നത് വഴിയിലൂടെ പോയ ഒരാളുടെ ശ്രദ്ധയിൽപ്പെടുകയായിരുന്നു. തുടർന്ന് ഇയാൾ അഗ്നിസമന സേനയെ വിവരം അറിയിച്ചു. കൃത്യസയത്ത് അഗ്നിശമസേന എത്തിയതിനാൽ തീ സമീപത്തെ മറ്റ് കടകളിലേക്ക് പടർന്നില്ല. മണിക്കൂറുകൾ നീണ്ട പരിശ്രമത്തിനൊടുവിൽ തീ അണച്ചു.
