ഇസ്ലാമാബാദ് ; കോഴിക്കറിയിൽ എരിവ് കുറഞ്ഞു പോയതിന് ഭാര്യയെ ടെറസിൽ നിന്ന് താഴേയ്ക്ക് തള്ളിയിട്ട് ഭർത്താവ് . പാകിസ്താനിലാണ് സംഭവം . സ്ത്രീ മേൽക്കൂരയിൽ നിന്ന് താഴേക്ക് വീഴുന്നതിന്റെ വീഡിയോ പുറത്ത് വന്നിട്ടുണ്ട്.
ഭാര്യക്ക് എരിവുള്ള ചിക്കൻ പാചകം ചെയ്യാൻ അറിയില്ലെന്നും ,മസാലകൾ ചേർത്തിട്ടില്ലെന്നുമാണ് ഭർത്താവിന്റെ പരാതി . അതിനു പിന്നാലെയാണ് ഭാര്യയെ മുകളിൽ നിന്ന് തള്ളിയിട്ടത് . യുവതി വേദന സഹിക്കാനാകാതെ നിലവിളിക്കുന്നതും , സഹായിക്കാനായി അയൽക്കാരും , മറ്റും ഓടി വരുന്നതും ദൃശ്യങ്ങളിൽ കാണാം .
19 സെക്കൻഡ് മാത്രം ദൈർഘ്യമുള്ളതാണ് ഈ വീഡിയോ . ഇത് കണ്ട ഒട്ടേറെ പേരാണ് ഭർത്താവിനെതിരെ നടപടി വേണമെന്നാവശ്യപ്പെട്ട് രംഗത്തെത്തിയത് . ഇത്തരത്തിലുള്ള പ്രശ്നം ഒരിക്കലും അവഗണിക്കാൻ കഴിയില്ല എന്നാണ് ചിലർ പറയുന്നത് . ‘പാകിസ്താനിൽ ഇതെല്ലാം സാധാരണമാണ്.‘ എന്ന് കമന്റ് ചെയ്യുന്നവരുമുണ്ട്.