1996-ൽ ‘ദ ഓപ്ര വിൻഫ്രി ഷോ’യിലൂടെ ലോകത്തിന് മുന്നിൽ എത്തിയ ഇരട്ട സഹോദരിമാരാണ് എബിയും ബ്രിട്ടാനി ഹെൻസലും . രണ്ട് മുഖങ്ങളും ഒറ്റ ശരീരവുമായി ജീവിക്കുന്ന സഹോദരങ്ങൾ. ഇപ്പോഴിതാ ഈ രണ്ട് സഹോദരിമാരും വീണ്ടും വാർത്തകളിൽ നിറയുകയാണ്. സഹോദരിമാർ രണ്ടാളും ഇപ്പോൾ ഒരു പുരുഷനെ വിവാഹം കഴിച്ചിരിക്കുകയാണ് .
ഇരുവരുടെയും വിവാഹ ചിത്രങ്ങളും വീഡിയോയും പുറത്ത് വന്നിരിക്കുകയാണ്. യുണൈറ്റഡ് സ്റ്റേറ്റ്സ് ആർമിയിൽ നിന്ന് വിരമിച്ച ജോഷ് ബൗളിംഗിനെയാണ് ഇവർ വിവാഹം കഴിച്ചത് . അമേരിക്കയിൽ താമസിക്കുന്ന ഈ സഹോദരിമാർ നിലവിൽ അദ്ധ്യാപകരാണ് .
2021ൽ തന്നെ ഈ രണ്ട് സഹോദരിമാരും ജോഷ് ബൗളിംഗിനെ രഹസ്യമായി വിവാഹം കഴിച്ചുവെന്ന വാർത്തയാണ് പുറത്തുവരുന്നത്. എബിയും ബ്രിട്ടാനി ഹെൻസലും ഒരേ ശരീരം പങ്കിടുന്നു എന്നതാണ് ഈ രണ്ട് സഹോദരിമാരുടെ പ്രത്യേകത. എന്നാൽ അവർക്ക് രണ്ട് തലകളും രണ്ട് മുഖങ്ങളുമുണ്ട്. എബി ശരീരവും വലതു കൈയും കാലും നിയന്ത്രിക്കുന്നു. ശരീരത്തിന്റെ ഇടതുവശം നിയന്ത്രിക്കുന്നത് ബ്രിട്ടാനിയാണ്.
1990ലാണ് ഇരുവരും ജനിച്ചത്. ഇവരുടെ ജനനശേഷം ഒരു ഓപ്പറേഷൻ നടത്തി ഇരുവരെയും വേർപെടുത്താൻ വീട്ടുകാർ തീരുമാനിച്ചു. എന്നാൽ ഇത് വളരെ അപകടകരമാണെന്ന് ഡോക്ടർമാർ വ്യക്തമാക്കി. ശസ്ത്രക്രിയയ്ക്ക് ശേഷം ഇരുവരും രക്ഷപ്പെടാനുള്ള സാധ്യത വളരെ കുറവാണെന്ന് ഡോക്ടർ പറഞ്ഞതോടെ ഈ ശ്രമം ഉപേക്ഷിക്കുകയായിരുന്നു .
