ഉറക്കമില്ലായ്മ പലപ്പോഴും നമ്മെ അലട്ടുന്ന പ്രധാന പ്രശ്നങ്ങളിലൊന്നാണ്. ചൂട് വർദ്ധിക്കുമ്പോൾ ഉറക്കമില്ലായ്മ ഉണ്ടാവുന്നതും സ്വാഭാവികമാണ്. ജീവിത ശൈലി, ഭക്ഷണക്രമം, ചുറ്റുപാടുകൾ ഇതെല്ലാം നമ്മുടെ ഉറക്കത്തെ ബാധിക്കുന്നതാണ്. മികച്ച ഉറക്കം ലഭിക്കണമെങ്കിൽ നല്ല ആഹാരം ശീലമാക്കേണ്ടതുണ്ട്. ഇനി പറയുന്ന ഭക്ഷണങ്ങൾ പതിവാക്കാൻ ശ്രമിച്ചോളൂ.. ഉറക്കമില്ലായ്മയെ അകറ്റി നിർത്താം..
കിവി
ധാരാളം ആന്റി ഓക്സിഡന്റുകൾ നിറഞ്ഞ ഫലവർഗമാണ് കിവി. കിടക്കുന്നതിന് മുമ്പായി ഒന്നോ രണ്ടോ കിവികൾ കഴിക്കുന്നത് മികച്ച ഉറക്കം പ്രദാനം ചെയ്യാൻ സഹായിക്കുന്നു.
ബദാം
വിറ്റാമിൻ എ, മഗ്നീഷ്യം തുടങ്ങി നിരവധി പോഷകഘടകങ്ങൾ അടങ്ങിയവയാണ് ബദാം. രാത്രിയും അതിരാവിലെയും ബദാം കഴിക്കുന്നത് പേശികൾക്ക് അയവ് വരുത്തുന്നതിനും സമ്മർദ്ദം അകറ്റി മികച്ച ഉറക്കം നൽകാനും സഹായിക്കുന്നു.
ചെറി
മെലടോണിന്റെ അളവ് വർദ്ധിപ്പിക്കാൻ സാഹായിക്കുന്ന ഫലവർഗങ്ങളിൽ ഒന്നാണ് ചെറി. എരിവുള്ള ചെറി, ജ്യൂസടിച്ച് കുടിക്കുന്നതോ കിടക്കുന്നതിന് മുമ്പ് കഴിക്കുന്നതോ ഉറക്കം മെച്ചപ്പെടുത്താൻ സഹായിക്കുന്നു.
വാഴപ്പഴം
പൊട്ടാസ്യം, മഗ്നീഷ്യം തുടങ്ങി ധാരാളം പോഷക ഘടകങ്ങൾ അടങ്ങിയ വാഴപ്പഴം വിശപ്പ് കുറയ്ക്കുന്നതിനും നന്നായി ഉറങ്ങാനും സഹായിക്കുന്നു. അമിനോ അസിഡും മെലാടോണിനും ഇതിലുള്ളതിനാൽ സമ്മർദ്ദം കുറയ്ക്കാൻ ഇത് സഹായിക്കുന്നു. നാഡീപ്രവർത്തനങ്ങളെ മെച്ചപ്പെടുത്തി ഉറക്കം പ്രദാനം ചെയ്യുന്നു.