ന്യൂഡൽഹി: സീരിയൽ പ്രേക്ഷകരെ ഭക്തിയുടെ പാരമ്യത്തിൽ എത്തിക്കാൻ രാമായണം പരമ്പര വീണ്ടും എത്തുന്നു. ദൂരദർശനിൽ എല്ലാ ദിവസവും വൈകിട്ട് ആറ് മണിക്ക് സംപ്രേഷണം ചെയ്യും. ഓരോ എപിസോഡിന്റെയും പുനഃ സംപ്രേഷണം ഉച്ചയ്ക്ക് 12 മണിക്കും ഉണ്ടായിരിക്കും. ദൂരദർശന്റെ ഒദ്യോഗിക എക്സ് അക്കൗണ്ടിലൂടെയാണ് ഇക്കാര്യം പങ്കുവച്ചത്.
1987ലാണ് രാമായണം പരമ്പര പുറത്തിറങ്ങിയത്. അരുൺ ഗോവിൽ, ദ്വീപിക ചിക്ലിയ, സുനിൽ ലാഹരി, അരവിന്ദ് ത്രിവേദി എന്നിവരെ കേന്ദ്രകഥാപാത്രങ്ങളാക്കി പുറത്തിറങ്ങിയ പരമ്പരയാണ് രാമയണം. അരുൺ ഗോവിലാണ് പരമ്പരയിൽ ശ്രീരാമനായി പ്രേക്ഷകർക്ക് മുമ്പിൽ എത്തിയത്. 55 രാജ്യങ്ങളിൽ ഇതിനോടകം ഈ പരമ്പര സംപ്രേഷണം ചെയ്തിരുന്നു. ഇതിനുമുമ്പ് കൊറോണ മഹാമാരിയുടെ കാലത്തും രാമായണം സീരിയൽ ദൂരദർശനിൽ സംപ്രേഷണം ചെയ്തിരുന്നു.
