ഉദയ്പൂർ : രാജ്യത്തെ നടുക്കിയ കനയ്യലാൽ വധക്കേസ് സിനിമയാകുന്നു . രാജ്യത്തിനകത്ത് സജീവമായ ഭീകരതയുടെ നികൃഷ്ടമായ മുഖം വെളിപ്പെടുത്തിയ സംഭവമായിരുന്നു കനയ്യലാൽ വധക്കേസ് . ‘എ ടൈലർ മർഡർ സ്റ്റോറി’ എന്ന പേരിലുള്ള സിനിമയുടെ ഫസ്റ്റ് ലുക്ക് വീഡിയോയാണ് ഇപ്പോൾ സമൂഹമാദ്ധ്യമത്തിൽ ശ്രദ്ധ നേടുന്നത് .
‘നാരാ-ഇ-തക്ബീർ’, ‘അല്ലാഹു-അക്ബർ’ മുഴക്കി ജനക്കൂട്ടം കനയ്യ ലാലിന്റെ കടയുടെ മുന്നിലൂടെ കടന്നുപോകുന്നതും, കനയ്യലാലിനെ അറസ്റ്റ് ചെയ്തതും, കനയ്യ ലാൽ തെലിയെ കൊലപ്പെടുത്തുന്നതും ദൃശ്യങ്ങളിൽ കാണാം.
നടൻ വിജയ് രാജാണ് ഈ ചിത്രത്തിൽ കനയ്യ ലാൽ തെലിയുടെ വേഷത്തിൽ എത്തുന്നത് . ‘ജാനി ഫയർഫോക്സ് ഫിലിംസ്’ ബാനറിലാണ് ഈ ചിത്രത്തിന്റെ നിർമ്മാണം . ചിത്രത്തിന്റെ എഴുത്തുകാരനും സഹനിർമ്മാതാവും ഭരത് സിംഗാണ്. ജയന്ത് സിൻഹ രചനയും സംവിധാനവും നിർവ്വഹിക്കുന്നു. ഫസ്റ്റ് ലുക്ക് വീഡിയോയ്ക്ക് പുറമെ ‘സാമൂഹിക ബോധവൽക്കരണ വീഡിയോ’യും പുറത്തിറങ്ങിയിട്ടുണ്ട്.
‘ദ കശ്മീർ ഫയൽസ്’, ‘ദി കേരള സ്റ്റോറി’ തുടങ്ങിയ സിനിമകൾക്ക് പിന്നലെ ജിഹാദി ഭീകരത തുറന്ന് കാട്ടുന്നതാകും ഈ ചിത്രം .കനയ്യലാലിനെ കൊലപ്പെടുത്തിയവർ പാകിസ്താനിലെ കറാച്ചി ആസ്ഥാനമായ ദാവത്തെ ഇസ്ലാമി എന്ന ഭീകരസംഘടനയുമായി പ്രതികൾ ബന്ധപ്പെട്ടിരുന്നതായും കറാച്ചിയിലെ ദാവത്തെ ഇസ്ലാമിയുടെ ആസ്ഥാനം സന്ദർശിച്ചിരുന്നതായും അന്വേഷണ സംഘം കണ്ടെത്തിയിരുന്നു
