ഭർത്താവിനെ കൊണ്ട് രണ്ടാം വിവാഹം കഴിപ്പിച്ച് മലേഷ്യൻ ഗായിക അസാലിൻ എറിഫിൻ . തിരക്കേറിയ ജീവിതത്തിനിടയിൽ, ഭർത്താവിനെ പരിപാലിക്കാനും ,ആഗ്രഹങ്ങൾ നിറവേറ്റാനും കഴിയാത്തതിനാലാണ് അസാലിൻ തന്നെ ഭർത്താവിന്റെ രണ്ടാം വിവാഹത്തിന് മുൻ കൈയ്യെടുത്തത് .
47 കാരനാണ് അസാലിന്റെ ഭർത്താവ് മുഹമ്മദ് ഹാഫിസാം. പ്രശസ്തയായ ഗായികയായതിനാൽ നിരന്തരം യാത്രയിലാണ് അസാലിൻ . വിവിധ നഗരങ്ങളിലും രാജ്യങ്ങളിലുമാണ് പല ദിവസങ്ങളിലും അസാലിൻ .വീട്ടിൽ സമയം ചെലവഴിക്കുന്നത് വളരെ കുറവാണ്. ഭർത്താവ് എപ്പോഴും തനിച്ചായതിനാൽ ആ ഏകാന്തതയകറ്റാൻ ഒരു പങ്കാളിയെ കണ്ടെത്തി വിവാഹം കഴിപ്പിച്ചു നൽകാൻ അസാലിൻ തീരുമാനിക്കുകയായിരുന്നു.
26 കാരിയായ വധുവിനെയാണ് ഭർത്താവിനായി കണ്ടെത്തി നൽകിയത് .‘ എന്റെ ഭർത്താവ് വീണ്ടും വിവാഹം കഴിച്ചതിന് ശേഷവും ഞാൻ എന്റെ ഭർത്താവിനൊപ്പം സന്തോഷവതിയാണ് .. ഞങ്ങൾ മൂന്നുപേരും ഒരേ വീട്ടിലാണ് താമസിക്കുന്നത്. ഒഴിവുസമയങ്ങളിൽ ഞാൻ അദ്ദേഹത്തോടൊപ്പം സമയം ചെലവഴിക്കുന്നു ‘ അസാലിൻ പറഞ്ഞു.