മോഹൻലാൽ മേജർ മഹാദേവനായി നിറഞ്ഞാടിയ ചിത്രമായിരുന്നു മേജർ രവി രചനയും സംവിധാനം നിർവഹിച്ച കീർത്ത ചക്ര എന്ന ചിത്രം. ചിത്രത്തിലെ മേജർ മഹാദേവൻ എന്ന മോഹൻലാലിന്റെ കഥാപാത്രം ഏറെ ശ്രദ്ധിക്കപ്പെട്ടു. ജീവ,ബിജുമോനോൻ,ലക്ഷ്മി ഗോപാല സ്വാമി, ശ്വേത മേനോൻ, എന്നിവരും മുഖ്യ കഥാപാത്രങ്ങളായ ചിത്രം ബോക്സോഫീസിലും വമ്പൻ ഹിറ്റായിരുന്നു.
കീർത്തി ചക്രയ്ക്കു ശേഷം മോഹൻലാലിനെ തേടി മേജർ മഹാദേവൻ എന്ന പേരിൽ നിരവധി കഥാപാത്രങ്ങൾ എത്തിയിരുന്നു. ഇപ്പോഴിതാ, മേജർ മഹാദേവൻ വീണ്ടും എത്തുമോ എന്ന ചോദ്യത്തിന് മറുപടി നൽകുകയാണ് മേജർ രവി. ഒരു അഭിമുഖത്തിൽ സംസാരിക്കുകയായിരുന്നു മേജർ രവി.
‘മലയാളിയായ ഏതൊരു ചെറുപ്പക്കാരും ആരാധനാ പുരുഷനായി കാണുന്ന കഥാപാത്രമാണ് മേജർ മഹാദേവൻ. എല്ലാവരും എപ്പോഴും ചോദിക്കുന്നതാണ്, മോജർ മഹാദേവൻ ഇനി എന്നു വരുമെന്ന്. കുറച്ചുകാലം ആയില്ലേ ഗ്യാപ് വന്നില്ലേ എന്നാണ് അവർ ചോദിക്കുക.
മേജർ മഹാദേവൻ എപ്പോൾ വരും എന്നുള്ള ചോദ്യത്തിന് എനിക്ക് ഉത്തരമില്ല. കഥകൾ എഴുതി വെച്ചിട്ടുണ്ട്. ഞാനും ഇങ്ങനെ ആലോചിക്കുകയാണ്. ഒരു ഗ്യാപ്പ് ഇടട്ടെ. ഇനി വേറെ എന്തെങ്കിലും ചെയ്യാം പിന്നീട് ആവാം എന്നൊക്കെ കരുതുകയാണ്. തീരുമാനമൊന്നും ആയിട്ടില്ല ലാൽ സാറും അത് തന്നെയാണ് പറയുന്നത്.
വേറെ എന്തെങ്കിലും ചെയ്തിട്ട് നമുക്ക് യൂണിഫോം ചെയ്യാം എന്നുള്ള ധാരണയിലാണ് അദ്ദേഹം. വേറെ ഒരു സംഭവം എന്താണെന്ന് എനിക്കും അറിയില്ല. ലാൽ സാറിനും അറിയില്ല. അങ്ങനെ ഒരു കഥ വരാൻ വേണ്ടി ഞങ്ങൾ കാത്തിരിക്കുന്നു.’ -മേജർ രവി പറഞ്ഞു.
