കൊച്ചി : കേരള സ്റ്റോറി സിനിമ പ്രദർശിപ്പിച്ച ഇടുക്കി അതിരൂപതയ്ക്കെതിരെ കെടി ജലീൽ . മുസ്ലീങ്ങൾ ആരുടെയും ശത്രുക്കളല്ലെന്നും, സംഘടിതമായി തീരുമാനമെടുത്ത് സാമൂഹ്യവിരുദ്ധമായ ഒന്നും അവർ നടപ്പിലാക്കുന്നില്ലെന്നുമാണ് ജലീൾ ഫേസ്ബുക്ക് പോസ്റ്റിൽ പറയുന്നത് .
‘ അടിസ്ഥാനപരമായി സമാധാനകാംക്ഷികളും ഉദാരമസ്കരുമാണവർ. സഹായമനസ്ഥിതി വേണ്ടുവോളമുള്ളവർ. സഹോദരമതസ്ഥരുമായുള്ള സുഹൃദ്ബന്ധം ഏറെ കാംക്ഷിക്കുന്നവരും കാത്തുസൂക്ഷിക്കുകയും ചെയ്യുന്നവർ. മതാതീതമായി സഹായഹസ്തങ്ങൾ നീട്ടുന്നവർ. ദാനധർമ്മങ്ങൾ ചെയ്യുമ്പോൾ മതമോ ജാതിയോ പരിഗണിക്കാത്തവർ. എന്നിട്ടും എന്തിന് മുസ്ലീം സമൂഹത്തെ അപരവൽക്കരിക്കുന്നു? എന്ത് വേണ്ടാത്തത് നടന്നുവെന്ന് കേൾക്കുമ്പോഴും എന്റെ ഉള്ളിലെ പ്രാർത്ഥന അതിന്റെ കാരണക്കാരൻ ഒരു മുസ്ലീം പേരുകാരനാകരുതേ എന്നാണെന്നും ജലീൽ പറയുന്നു. സംഭവിച്ചത് സംഭവിച്ചു. മേലിലെങ്കിലും ഇത്തരം വിദ്വേഷം ജനിപ്പിക്കുന്ന പ്രചരണങ്ങളിൽ വ്യാപൃതരാകാതിരിക്കണമെന്ന നിർദേശത്തോടെയാണ് ജലീൽ പോസ്റ്റ് അവസാനിപ്പിക്കുന്നത് .
