പ്രഖ്യാപനം മുതൽ തന്നെ മലയാളികൾ ഏറെ കാത്തിരുന്ന ചിത്രമാണ് ജയ് ഗണേഷ്. മാളികപ്പുറത്തിന് ശേഷം ഉണ്ണി മുകുന്ദൻ മലയാളികൾക്ക് സമ്മാനിക്കുന്ന ചിത്രത്തെ ആകാംക്ഷയോടെയാണ് പ്രേക്ഷകർ കാത്തിരുന്നത്. ഇന്ന് തിയേറ്ററിലെത്തിയ ചിത്രത്തിന് മികച്ച പ്രതികരണമാണ് പ്രേക്ഷകരുടെ ഭാഗത്ത് നിന്ന് ലഭിച്ചുകൊണ്ടിരിക്കുന്നത്. ഉണ്ണി മുകുന്ദന്റെ ഇതുവരെ കാണാത്ത പ്രകടനമാണ് ജയ് ഗണേഷിലൂടെ കണ്ടെതെന്ന് ആദ്യ ഷോ കഴിയുമ്പോൾ പ്രേക്ഷകർ പറയുന്നു.
“നല്ലൊരു സന്ദേശം കൊടുക്കുന്ന ചിത്രമാണ് ജയ് ഗണേഷ്. ഉണ്ണി മുകുന്ദന്റെ പ്രകടനം അതിശയിപ്പിച്ചു. വളരെ മനോഹരമായിരുന്നു. ചില രംഗങ്ങൾ പ്രേക്ഷകരെ കരയിപ്പിച്ചു.
രഞ്ജിത്ത് ശങ്കറിന്റെ സംവിധാനം വളരെ നല്ലത്. എല്ലാവരും കുടുംബത്തോടെ പോയി കാണണം. കണ്ണ് സ്ക്രീനിൽ നിന്ന് മാറ്റാൻ കഴിയാത്ത രീതിയിലാണ് ചിത്രം നിർമിച്ചിരിക്കുന്നത്. ഭയങ്കര ത്രില്ലിംഗായിരുന്നു ചിത്രം. ഉണ്ണി മുകുന്ദൻ ഒരുപാട് കഷ്ടപ്പെട്ട് അഭിനയിച്ചിട്ടുണ്ട്’.
എല്ലാവരുടെയുള്ളിലും ഒരു സൂപ്പർ ഹീറോയുണ്ടെന്ന് ജയ് ഗണേഷ് പഠിപ്പിച്ചു. സൂപ്പർ ഹീറോ സിനിമയാണിത്. ഒരു മിനിറ്റ് പോലും ലാഗ് തോന്നാതെ കാണാൻ കഴിയുന്ന ചിത്രം. പ്രേക്ഷകരെ പ്രചോദിപ്പിക്കുന്ന തരത്തിലാണ് ചിത്രം ഒരുക്കിയിരിക്കുന്നത്. വീൽച്ചെയറിലുള്ള ഉണ്ണി മുകുന്ദന്റെ പ്രകടനം എടുത്തുപറയേണ്ടതാണെന്നും പ്രേക്ഷകർ പറഞ്ഞു.
