ഡ്രോൺ നിർമാതാക്കളായ ഗരുഡ എയറോസ്പേസിന് പർച്ചേസ് ഓർഡർ നൽകി ഐഎസ്ആർഒ. ?ഗരുഡയിൽ നിന്നും അത്യാധുനിക ക്വാഡ്കോപ്റ്റർ ഡ്രോണുകൾ വാങ്ങാനാണ് ഇസ്രോ ഒരുങ്ങുന്നത്. ആദ്യമായാണ് ഐഎസ്ആർഒയുമായി കരാറിലേർപ്പെടുന്നതെന്നും ഇതിൽ അഭിമാനമുണ്ടെന്നും നിർമാതാക്കളായ ?ഗരുഡ എയ്റോസ്പേസ് അറിയിച്ചു.
ഇസ്രോയുടെ ബെംഗളൂരു ആസ്ഥാനമായി പ്രവർത്തിക്കുന്ന സെന്ററിലേക്കാണ് ഡ്രോണുകൾ വാങ്ങുന്നത്. മെഷീൻ ലേണിംഗ്, ആർട്ടിഫിഷ്യൽ ഇന്റലിജൻസ് എന്നീ സാങ്കേതിക വിദ്യകൾ ഉൾപ്പെടുത്തിയിട്ടുള്ളവയാണ് ഇസ്രോ സ്വന്തമാക്കാനൊരുങ്ങുന്ന ക്വാഡ്കോപ്റ്റർ ഡ്രോണുകൾ. നേരത്തെയും ഗരുഡ എയ്റോസ്പേസുമായി ഇസ്രോ ഒന്നിച്ച് പ്രവർത്തിച്ചിട്ടുണ്ട്. 2021ൽ കൊറോണ മഹാമാരി കാലത്ത് ഡ്രോണുകൾ ഉപയോഗിച്ച് സാനിറ്റൈസർ തെളിക്കുന്നതിനും മറ്റുമായി ?ഗരുഡയുടെ സേവനങ്ങളാണ് ഉപയോഗിച്ചിരുന്നതെന്ന് നിർമാതാക്കൾ അറിയിച്ചു.
ഐഎസ്ആർഒയിൽ നിന്നും ഡ്രോണിന് വേണ്ടി ഓർഡർ ലഭിക്കുക എന്നത് ഗരുഡയെ സംബന്ധിച്ചിടത്തോളം അഭിമാനകരമായ നേട്ടമാണെന്നും ഇത് ചരിത്രത്തിൽ അടയാളപ്പെടുത്തുമെന്നും കമ്പനി സ്ഥാപകനും സിഇഒയുമായ അഗ്നീശ്വർ ജയപ്രകാശ് പ്രതികരിച്ചു. അർപ്പണബോധവും അശ്രാന്ത പരിശ്രമവും വിജയം കണ്ടതിന്റെ തെളിവാണിത്. ഐഎസ്ആർഒയുമായുള്ള പങ്കാളിത്തം ?ഗരുഡ എയ്റോസ്പേസിന്റെ വിശ്വാസ്യത വർദ്ധഇപ്പിക്കുമെന്നും ബഹിരാകാശ മേഖലയിൽ തങ്ങളുടേതായ സ്ഥാനം നേടിയെടുക്കാൻ സഹായിക്കുന്നതാണെന്നും അദ്ദേഹം കൂട്ടിച്ചേർത്തു.