സ്ത്രീകൾ പ്രധാനവേഷത്തിലെത്തുന്ന ചിത്രങ്ങളിൽ അഭിനയിക്കാനും പല പുരുഷന്മാരും ഇന്നും തയ്യാറാകില്ലെന്ന് ബോളിവുഡ് നടി വിദ്യാബാലൻ. താൻ പ്രധാനവേഷത്തിലെത്തുന്ന മുഖ്യ ചിത്രങ്ങളിലും അഭിനയിക്കാൻ പ്രമുഖ പുരുഷ താരങ്ങള് വിമുഖത കാണിച്ചുവെന്നും വിദ്യാ ബാലൻ പറഞ്ഞു. സിനിമാ മേഖലയിൽ താൻ വലിയ രീതിയിലെ രീതിയിൽ ബോഡി ഷെയിമിംഗ് നേരിട്ടുണ്ടെന്നും വിദ്യാബാലൻ പറഞ്ഞു. ഒരു അഭിമുഖത്തിനിടെയാണ് താരം തുറന്നടിച്ചത്.
പുരുഷന്മാരെക്കാൾ മികച്ച കഥാപാത്രങ്ങൾ സ്ത്രീകൾ ചെയ്യാറുണ്ട്. സ്ത്രീകൾ പ്രധാന വേഷത്തിലെത്തുന്ന ചിത്രങ്ങൾ വേണ്ടെന്ന് വക്കുന്നത് അവരുടെ നഷ്ടമാണ്. സ്ത്രീകൾ പ്രധാന വേഷത്തില് എത്തുന്ന സിനിമകൾ വേറിട്ടതാകും.
പുരുഷന്മാരുടേത് ഒരേ ഫോർമുലയിലുള്ള ചിത്രങ്ങളാണ്. സിനിമ മേഖല ആരുടേയും പിതാവിന്റെ സ്വന്തമല്ല. അങ്ങനെ കരുതി എത്തുന്നവർക്ക് ഒരിക്കലും നിലനിൽപ്പുണ്ടാകില്ലെന്നും വിദ്യാബാലൻ പറഞ്ഞു.
