ശ്രീനിവാസന്റെ മകൻ എന്നതിലുപരി നടനായും സംവിധായകനായും മലയാളികളുടെ പ്രിയതാരമായി മാറിയ താരമാണ് ധ്യാൻ ശ്രീനിവാസൻ. നടന്റെ സിനിമകളെക്കാൾ അഭിമുഖങ്ങളാണ് കൂടുതൽ ജനപ്രീതി നേടിയതെന്നതിൽ സംശയമില്ല. അടുത്തിടെ പൃഥ്വിരാജിനെ കുറിച്ച് താരം ഒരു അഭിമുഖത്തിൽ പങ്കുവച്ച കാര്യങ്ങളാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്. പൃഥ്വിരാജിനോടൊപ്പം സിനിമ ചെയ്യാൻ ആഗ്രഹിച്ചുവെന്നും ചില കാരണങ്ങളാൽ അത് നടന്നില്ലെന്നുമാണ് ധ്യാൻ പറയുന്നത്.
“രാജുവേട്ടനോട് സിനിമയെ കുറിച്ച് പറഞ്ഞിരുന്നു. എല്ലാം ശരിയാക്കി മെസേജ് വരെ അയച്ചു. എപ്പോൾ വേണമെങ്കിലും നീ വാ എന്ന് രാജുവേട്ടനും പറഞ്ഞു. എന്നാൽ അത് ചെയ്യാൻ സാധിച്ചില്ല. കാരണം, ആ സമയത്ത് എനിക്ക് തിരക്കായിരുന്നു. രണ്ട് പേർക്കും തിരക്കായാൽ ഒന്നും ചെയ്യാനാകില്ലല്ലോ. അതിനിടയിൽ ആ സിനിമ ചെയ്യാൻ സാധിക്കാതെ പോയി. അതിന്റെ വിഷമം ഇപ്പോഴുമുണ്ട്’ ധ്യാൻ ശ്രീനിവാസൻ പറഞ്ഞു.
വിനീത് ശ്രീനിവാസൻ സംവിധാനം ചെയ്ത് തിയേറ്ററിലെത്തിയ ധ്യാനിന്റെ ഏറ്റവും പുതിയ ചിത്രമാണ് വർഷങ്ങൾക്ക് ശേഷം. ധ്യാനും പ്രണവ് മോഹൻലാലുമാണ് ചിത്രത്തിലെ കേന്ദ്ര കഥാപാത്രങ്ങൾ. പ്രേക്ഷകരുടെ ഭാഗത്ത് നിന്ന് മികച്ച പ്രതികരണങ്ങളോടെ ബോക്സോഫീസിൽ കുതിക്കുകയാണ് ചിത്രം. യുവതാരനിരയെ അണിനിരത്തി പുറത്തിറക്കിയ ചിത്രത്തിന് ആദ്യ ദിവസം തന്നെ മികച്ച പ്രതികരണങ്ങളാണ് ലഭിച്ചത്.
