മോഹൻലാലിന് പാചകത്തോടുള്ള ഇഷ്ടം എല്ലാവർക്കും അറിയാവുന്നതാണ്. താരം പാചകം ചെയ്യുന്നതിനെ കുറിച്ച് ഭാര്യ സുചിത്ര പറഞ്ഞ വാക്കുകളാണ് ഇപ്പോൾ ശ്രദ്ധ നേടുന്നത്. മോഹൻലാൽ വീട്ടിൽ വരുമ്പോൾ പാചകം ചെയ്യുന്ന വിശേഷങ്ങളാണ് സുചിത്ര പങ്കുവച്ചത്.
‘പാചകം ചെയ്യാൻ ഏറ്റവും ഇഷ്ടമുള്ള വിഭവം എന്നൊന്നും പറയാൻ പറ്റില്ല. ചേട്ടന് അങ്ങനൊരു ഫിക്സഡ് റെസിപ്പിയും ഇല്ല. എന്തൊക്കെയോ ഇടും. പക്ഷേ അത് ഭയങ്കര ടേസ്റ്റായിരിക്കും. നന്നായി കുക്ക് ചെയ്യാറുണ്ട്. വീട്ടിൽ ജാപ്പനീസ് കിച്ചനും ഉണ്ടാക്കിയിട്ടുണ്ട്. വീട്ടില് വരുമ്പോള് ആള്ക്കൊരു റിലാക്സേഷന് കൂടിയാണല്ലോ.’- എന്നാണ് സുചിത്ര ഒരു അഭിമുഖത്തിൽ പറഞ്ഞത്.
ജാപ്പനീസ് ഭക്ഷണങ്ങളോടുള്ള ഇഷ്ടത്തെക്കുറിച്ച് മോഹൻലാലും മുമ്പ് പറഞ്ഞിട്ടുണ്ട്. ജാപ്പനീസ് വിഭവങ്ങളില് അധികം മസാല ചേര്ക്കാത്തതു കൊണ്ടാണ് തനിക്ക് അവയോട് ഒരു പ്രത്യേക ഇഷ്ടമെന്നായിരുന്നു അന്ന് മോഹൻലാൽ പറഞ്ഞത്.