പഞ്ചാബ് കിംഗിസിനെതിരെയുള്ള മത്സരത്തിൽ മുംബൈ ജയിച്ചെങ്കിലും നായകൻ ഹാർദിക് പാണ്ഡ്യക്ക് നല്ല കാലമല്ല. കുറഞ്ഞ ഓവർ നിരക്കിന്റെ പേരിൽ താരത്തിന് 12 ലക്ഷം രൂപ പിഴ ചുമത്തി. പിസിഎ ന്യു ഇൻ്റർനാഷണൽ സ്റ്റേഡിയത്തിൽ നടന്ന ത്രില്ലർ പോരിൽ ഒൻപത് റൺസിനായിരുന്നു മുംബൈയുടെ വിജയം. ഹാർദിക്കിന് പിഴ ചുമത്തിയ കാര്യം ബിസിസിഐ ഔദ്യോഗികമായി എക്സിലൂടെ അറിയിച്ചു.
മത്സരത്തിലും കുറഞ്ഞ ഓവർ നിരക്കിന്റെ പേരിൽ മുംബൈക്ക് ശിക്ഷ കിട്ടിയിരുന്നു. അവസാന ഓവറിൽ നാലു ഫീൾഡർമാരെ മാത്രമേ ബൗണ്ടറിയിൽ നിർത്താനായുള്ളു. അതേസമയം ഇന്നലെ ബാറ്റിംഗിനിറങ്ങിയ ഹാർദിക് അറു പന്തിൽ പത്ത് റൺസെടുത്ത് പുറത്താകുകയും ചെയ്തു.
നാലോവർ എറിഞ്ഞ ഓൾ റൗണ്ടർ 33 റൺസ് വഴങ്ങി ഒരു വിക്കറ്റെടുത്തു. സൂര്യകുമാർ യാദവിന്റെ ഇന്നിംഗ്സാണ് ഇന്നലെ മുംബൈക്ക് മികച്ച സ്കോർ സമ്മാനിച്ചത്. മുംബൈ പേസർമാരാണ് മത്സരം അവർക്ക് അനുകൂലമാക്കിയത്.
