ഇസ്ലാമാബാദ്: പാകിസ്താനിലെ ബലൂചിസ്ഥാനിൽ 14 അംഗ മന്ത്രിസഭ സത്യവാചകം ചൊല്ലി അധികാരത്തിലേറി. നിയമസഭാ സ്പീക്കറായി സേവനമനുഷ്ഠിച്ച വനിതാ മന്ത്രി റഹീല ഹമീദ് ഖാന് ദുറാനി ഉള്പ്പെടെയുള്ളവരാണ് മന്ത്രിസഭയിലുള്ളത്. 14 അംഗ ത്രികക്ഷി മന്ത്രിസഭയ്ക്ക് ബലൂചിസ്ഥാന് ഗവര്ണര് അബ്ദുള് വാലി കാക്കറാണ് വെള്ളിയാഴ്ച സത്യവാചകം ചൊല്ലിക്കൊടുത്തത്.
പ്രവിശ്യാ അസംബ്ലിയിലേക്ക് തിരഞ്ഞെടുക്കപ്പെട്ട പ്രതിനിധികള് അംഗങ്ങളായി സത്യപ്രതിജ്ഞ ചെയ്ത് രണ്ട് മാസത്തിന് ശേഷമാണ് മന്ത്രിസഭ സത്യപ്രതിജ്ഞ ചെയ്തത്. ഒന്നരമാസത്തിന് മുൻപായിരുന്നു ബലൂചിസ്ഥാൻ പ്രവിശ്യയുടെ മുഖ്യമന്ത്രിയെ തെരഞ്ഞെടുത്തത്. മാർച്ച് 2-ന് മുഖ്യമന്ത്രി മിർ സർഫറാസ് ബുഗ്തി സത്യപ്രതിജ്ഞ ചെയ്ത് അധികാരത്തിലേറുകയും ചെയ്തു.