ദിവ്യാംഗരായ ആരാധകർക്കൊപ്പം ‘ജയ് ഗണേഷ്’ കാണാനെത്തി നടൻ ഉണ്ണി മുകുന്ദൻ. കൊച്ചി ലുലു മാളിലെ സ്ക്രീനിലായിരുന്നു താരം ആരാധകർക്കൊപ്പം സിനിമയ്ക്കെത്തിയത്. കൊച്ചിയിലെ റോട്ടറി ക്ലബിന്റെ നേതൃത്വത്തിലായിരുന്നു വ്യത്യസ്തത നിറഞ്ഞ പരിപാടി സംഘടിപ്പിച്ചത്.
സിനിമ കാണാനെത്തിയതിന്റെ വീഡിയോ ഉണ്ണി മുകുന്ദൻ തന്റെ സമൂഹമാദ്ധ്യമ അക്കൗണ്ടിലും പങ്കുവച്ചിട്ടുണ്ട്. ദിവ്യാംഗർക്കൊപ്പം സമയം പങ്കിട്ട ഉണ്ണിമുകുന്ദന് നിരവധി ആരാധകർ പ്രശംസയും അറിയിച്ചിട്ടുണ്ട്.
കോളേജിൽ പഠിക്കുന്ന കാലത്ത് അപകടത്തിൽ കാലുകൾ നഷ്ടപ്പെട്ട ഗണേഷെന്ന സാധാരാണ ചെറുപ്പക്കാരന്റെ ജീവിതത്തിലെ സംഭവങ്ങളാണ് ജയ് ഗണേഷ്. പ്രതിസന്ധികളെ വെല്ലുവിളികളായി നേരിട്ട് തന്റെ കഴിവുകളിലൂടെ ജീവിതത്തെ അതിജീവിക്കുകയാണ് ഗണേഷ്. കുടുംബ പ്രേക്ഷകർക്കിടയിൽ വൻ സ്വീകാര്യതയാണ് ചിത്രത്തിന് ലഭിക്കുന്നത്.
രഞ്ജിത്ത് ശങ്കറിന്റെ സംവിധാനത്തിലെത്തിയ ചിത്രത്തിൽ മഹിമാ നമ്പ്യാരാണ് നായികാ വേഷത്തിലെത്തുന്നത്. ജോമോൾ ക്രിമിനൽ അഭിഭാഷകയുടെ വേഷത്തിലെത്തുന്ന ചിത്രത്തിൽ ഹരീഷ് പേരടി, അശോകൻ, രവീന്ദ്ര വിജയ്, നന്ദു, ശ്രീകാന്ത് കെ വിജയൻ, ബെൻസി മാത്യൂസ് തുടങ്ങിയവരും അഭിനയിക്കുന്നുണ്ട്.
View this post on Instagram
