കൊച്ചി: നടൻ കുഞ്ചന്റെ മകൾ സ്വാതി വിവാഹിതയായി. അഭിനന്ദ് ബസന്താണ് വരൻ. താരസമൃദ്ധമായ വിവാഹം കൊച്ചിയിൽ വച്ചാണ് നടന്നത.് ഫാഷൻ ഡിസൈനറാണ് സ്വാതി. ഫെമിന, നിത അംബാനിയുടെ ഹെർ സർക്കിൾ എന്നിവിടങ്ങളിൽ പ്രവർത്തിച്ചിരുന്ന സ്വാതി ഇപ്പോൾ ഫ്രീലാൻസ് സ്റ്റൈലിസ്റ്റായി ജോലി ചെയ്യുകയാണ്.
മമ്മൂട്ടിയും മോഹൻലാലും അടക്കം നിരവധി താരങ്ങൾ വിവാഹ ചടങ്ങിൽ പങ്കെടുത്തു. കുടുംബ സമേതമാണ് മമ്മൂട്ടി വിവാഹ ചടങ്ങിൽ പങ്കെടുത്തത്. മകൻ ദുൽഖർ സൽമാൻ, മകൾ സുറുമി, ദുൽഖറിന്റെ ഭാര്യ അമാൽ എന്നിവരും ചടങ്ങിലെ താരങ്ങളായിരുന്നു. നടൻ ശ്രീനിവാസൻ, ബാലചന്ദ്ര മേനോൻ, ബിന്ദു പണിക്കർ, കുഞ്ചാക്കോ ബോബൻ, ഷാജി കൈലാസ്, ആനി എന്നിവരും ചടങ്ങിൽ പങ്കെടുത്തു. നടൻ സുരേഷ് ഗോപിയുടെ മകൾ ഭാഗ്യയും ഭർത്താവും വിവാഹത്തിൽ പങ്കെടുത്തിരുന്നു.
നടൻ കുഞ്ചന്റേയും ശോഭയുടേയും ഇളയ മകളാണ് സ്വാതി. ഫെമിനയിൽ ഫാഷൻ സ്റ്റൈലിസ്റ്റായിട്ടിയാരുന്നു സ്വാതിയുടെ തുടക്കം. ഹെഡ് സ്റ്റൈലിസ്റ്റായതോടെ മാസികയുടെ മുഖചിത്രങ്ങൾക്കുള്ള മോഡലുകളുടെ ഡിസൈനറായി. പിന്നീട് നിത അംബാനി, ദീപിക പദുക്കോൺ, അദിതി റാവു ഹൈദാരി, സൂസെയ്ൻ ഖാൻ എന്നിവർക്കൊപ്പം പ്രവർത്തിച്ചു.
